17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
15:05 - QHT Qubada tədbir keçirdi
Nərimanov RİH-in rəhbərliyi tərəfindən aldadılmış 76 ailə prezident İlham Əliyevə müraciət etdi:"Bu ailələr “ev vermək” adı ilə sərfəli vədlərlə aldadılaraq.."
Emtv.az xəbər verir ki,Azərbaycan Respublikasının prezidentinə ünvanlanmış və 1 surətidə yerli KİV-lərə elektron poçtuna göndərilmiş Nərimanov rayon İcra Hakimiyyətinin başçısı Abdin Fərzəliyev və onun 1-ci müavini Şahmar İbadovun hərəkətlərindən bəhs edən şikayət məktubunu təqdim edirik:
AZƏRBAYCAN RESPUBLİKASININ PREZİDENTİ
İLHAM ƏLİYEV CƏNABLARINA
İbtidai istintaqı Azərbaycan Respublikasının Baş Prokuroru yanında Korrupsiya qarşı Mübarizə Baş İdarəsi tərəfindən aparılan və məhkəmə istintaqı Bakı Ağır Cinayətlər Məhkəməsi tərəfindən başa çatmış 160066056 saylı cinayət işi üzrə 75 (yetmiş beş) zərərçəkənlər tərəfindən
A Ç I Q M Ə K T U B
HÖRMƏTLİ PREZİDENT!
Sizin ölkəmizin davamlı tərəqqisinin təmin edilməsi üçün bütün sahələrdə həyata keçirdiyiniz islahatlarla yanaşı, 03 aprel 2019-cu il tarixli “Məhkəmə-hüquq sistemində islahatların dərinləşdirilməsi haqqında” Fərmanınız Bakı Ağır Cinayətlər Məhkəməsində hakimlərin müstəqilliyini təmin etməklə məhkəmələrin fəaliyyətinə müdaxilələrin qarşısını almış, şəffaflığı artırmış, məhkəmə icraatının effektivliyini yüksəltmişdir və s.. Bütün bu göstərilənlərə Azərbaycan Respublikasının Baş Prokuroru yanında Korrupsiyaya qarşı Mübarizə Baş İdarəsi tərəfindən korrupsiyanı «qanun», korrupsioneri isə «ədalətli» hökmdar» etdiyi – Nərimanov RİH-in başçısı Abidin Fərzəliyevin və onun birinci müavini Şahmar İbadovun mütəşəkkil korrupsiyasına himayədarlıq edildiyi və məqsədli şəkildə onların cinayətləri ümumiyyətlə, istintaqdan gizlədildiyi, bəzi hallarda isə bu cinayətlərə qiymət verilmədiyi, əvəzində isə sifarişlə 3 (üç) nəfərin Azərbaycan Respublikası CM-nin dələduzluq və vəzifə saxtakarlığı (178.3.2 və 313-cü) maddələrilə təqsirləndirilən 160066056 saylı cinayət işinin Bakı Ağır Cinayətlər Məhkəməsinin Kollegiyası tərəfindən (sədrlik edən hakim Novruz Kərimov) ləğv edilməsi və prokurorluq orqanları tərəfindən yeni cinayət işinin açılması üçün mövcud cinayətin aşağıda göstərilən məzmununun, obyektinin və subyektlərinin düzgün müəyyənləşdirilməsi bariz nümunədir. Bununla da adı çəkilən Məhkəmə Kollegiyası fəaliyyətində ədalət, qanunçuluq, qərəzsizlik, aşkarlıq, hər kəsin qanun və məhkəmə qarşısında bərabərliyi və Azərbaycan Respublikasının Konstitusiyası və qanunlarında təsbit edilmiş ədalət mühakiməsinin digər prinsiplərinə riayət edildiyini göstərmişdir.
CİNAYƏTİN MƏZMUNU
Sosial vəziyyətləri çətin olan 220-dən çox ailə 7 (yeddi) ildir ki, Bakı şəhəri Nərimanov RİH-in başçısı Abidin Fərzəliyevin və onun birinci müavini Şahmar İbadovun mütəşəkkil korrupsiya, dələduzluq və quldurluq əməllərinin məngənəsində boğulur və acınacaqlı həyat tərzinə düçar olunmuşdur. Bu ailələr “ev vermək” adı ilə sərfəli vədlərlə aldadılaraq, onların dövlət layihələrinə uyğun olaraq sökülmüş evlərinə görə aldıqları konpensasiyalarını, kiçik evlərini və torpaq sahələrii satdırıb, banklardan kredit götüzdürüb, qohum-əqrabadan borc pul aldırtdırıb və s. cəmi 12.500.000,0 (on iki milyon beş yüz min) manatdan çox pullarını mənimsənilmişdir.
CİNAYƏTİN OBYEKTİ VƏ SUBYEKTLƏRİ
Hörmətli Prezident! Bu islahata qədər hakimlər çox vaxt prokurorluq orqanlarından qarşılarına gələn ittiham aktının tövsifini dəyişdirməyi cəsarət etmirdilər. Hal-hazırda isə adı çəkilən islahat ədalət mühakiməsinin keyfiyyətini və səmərəliliyini artırmaqla cəmiyyətdə məhkəmə hakimiyyətinin nüfuzunun artırılmasına və məhkəmələrə etimadın möhkəmləndirilməsinə dayanıqlı zəmin yaratmışdır.
Daha sonra teref.az onu da qeyd edib ki,bu yuxarıda göstərilənlərlə yanaşı, ölkəmizin davamlı tərəqqisinin təmin edilməsində Sizə uğurlar arzulayaraq öz minnətdarlığımızı bildiririk və ümid edirik ki, prokurorluq oranlarında da hal-hazırki məhkəmə-hüquq sisteminin islahatına uyğun cinayətkarlara himayədarlıq edilməklə sifarişlə cinayət işlərinin açılmasına, məhkəmələrdə belə dövlət ittihamlarının müdafiəsinə və protest verilməsinə son qoyulacaq, prokurorluq orqanlarının da cəmiyryətdə roluna yenidən baxılacaq, onların fəaliyyətləri beynəlxalq normalara və demokratik institutların tələblərinə uyğunlaşdırılacaqdır.
Sevinc Əlimova
Emtv.az