SON DƏQİQƏ

14:24

Bakıda qadın intihara cəhd edib.

Emtv.az yerli mətbuata istinadən xəbər verir ki, hadisə yaxın dəqiqələrdə paytaxt ərazisində baş verib.

Belə ki, orta yaşlarda bir qadın "Koroğlu" metro stansiyasının yaxınlığında yerləşən körpünün üzərinə çıxaraq özünü atmaq istəyib.

Ərazidəki insanlar və polis əməkdaşları onu fikrindən daşındırmağa cəhd ediblər.

Qadın özünü atan zaman son anda polis əməkdaşları tərəfindən xilas edilib.

Qeyd edək ki, 2014-cü ildən başlayaraq bu körpü bir müddət intiharlara cəhdlərin məskəninə çevrilmişdi. Bu səbəbdən də körpüyə el arasında "intihar körpüsü" adı verilib.

Hətta 2018-ci ilin iyununda həmin körpüdə intihar etmək istəyən şəxsi fikrindən baş nazir Novruz Məmmədov daşındırmışdı.

13:24

Bakıda daha bir qadın intihara cəhd edib.

Emtv.az xəbər verir ki, bu barədə yerli mətbuata məlumat veriblər. Verilən məlumata görə, Ziya Bünyadov prospektində körpüsünün üstündən özünü atmaq istəyib.

Əraziyə hüquq-mühafizə orqanlarının əməkdaşları cəlb olunub. Polislərin sayıqlığı nəticəsində qadın ölümün pəncəsindən xilas edilib.

Faktla bağlı araşdırma aparılır.

Sevinc Əlimova
Emtv.az