17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
15:05 - QHT Qubada tədbir keçirdi
Bu kəndin sakinləri hər gün erməni görür
Tərtər rayonunun Qapanlı kəndi düşmənlə üz-üzə olsa da, həyat öz axarı ilə davam edir.
Emtv.az yerli mətbuata istinadən xəbər verir ki, hazırda 101 ev olan Qapanlı kəndi erməni silahlılarının hərbi təcavüzü nəticəsində doqquz şəhid verib.
Üç hərbçi öz torpaqlarının müdafiəsi uğrunda canından keçib. Kəndin altı sakini isə düşmən gülləsinin qurbanı olub.
Cəbhədə yerləşən, düşmənlə təxminən bir neçə metr məsafədə olan Qapanlı kəndindən erməni postu aydın görünür. Kənddə yaşayan sakinlərin təhlükəsizliyinin təmin olunması üçün atəş nöqtələrinə ən yaxın məsafədə yerləşən evlərin qarşısına, eləcə də, yol boyu müdafiə hasarları çəkilib.
Kənddə tibb məntəqəsi və 240 şagirdlik orta məktəb binası inşa olunub. Kəndarası yolda gecə işıqlandırma sistemi quraşdırılıb. 2013-cü ildə istifadəyə verilən məktəbdə şagirdlərin təlim-tərbiyəsi üçün şərait yaradılıb.
2015-ci ildə istifadəyə verilən tibb məntəqəsində iki həkim, səkkiz orta ixtisas təhsilli tibb işçisi çalışır. Məntəqəyə təcili tibbi yardım üçün avtomobil də ayrılıb.
146 təsərrüfatdan ibarət Qapanlı kəndinin sakinləri heyvandarlıqla məşğul olur, yonca və taxıl becərirlər. Kənd sakinləri bildirir ki, düşmən mövqelərinə yaxın olduğu üçün kənd təsərrüfatı işləri gündüz deyil, gecə saatlarında aparılır. Torpaqları qoşunların qarşıdurma xəttinə yaxın olması çətinlik yaratsa da, sakinləri ruhdan salmır.
Aysu Əliyeva
Emtv.az