SON DƏQİQƏ

22:44 - Regionlarda həyata keçirilən "Azərbaycanda həssas əhali qruplarına ünvanlanmış sosial-humanitar siyasətin təbliği" layihəsinin növbəti İctimai Müzakirəsi Xaçmazda keçirildi-Fotolar

17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar

17:55 - “Miqrasiya Prosesləri” İctimai birliyi Almaniyanın Hamburq şəhərində yaşayan Azərbaycanlılar icmaları ilə görüşü baş tutub

20:20 - Regionlarda Növbəti İctimai-Sosial Müzakirələr Başladı –Fotolar

19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar

20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR

19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR

19:29 - YYSİB “Biznes-motivasiya: gənclər üçün innovativ-kreativ peşə və ixtisasların təbliği” layihəsinu uğurla reallaşdırır

21:02 - Təşkilat sədri Faiq Əhmədov Dünya Azərbaycanlılarına, Şəhidlərimizin Ailə Üzvlərinə və Qazilərimizə Təbrik Məktubu Ünvanlayıb-FOTOLAR

20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!

22:18 - Faiq ƏHMƏDOV: Tələblərimiz yerinə yetirilməyənə qədər mütəmadi olaraq aksiyalarımızı davam etdirəcəyik-VİDEO-FOTOLAR

00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar

19:29 - Xaçmazda tədbir

15:05 - QHT Qubada tədbir keçirdi

00:38 - Mingəçevirdə İctimai Müzakirə: Sosial Dövlətə Doğru - Fotolar

emtv.az
 Valyuta məzənnəsi

“İNSANLARI İNCİDİRLƏR, RÜŞVƏT YIĞIRLAR, PROSES ÇOX CİDDİDİR…”

5-04-2019, 20:21 | Oxunub: 15 431 |

“İNSANLARI İNCİDİRLƏR, RÜŞVƏT YIĞIRLAR, PROSES ÇOX CİDDİDİR…”

“Media sistemində də islahatlara başlamaq lazımdır”

“Bu islahatlar davamlı olacaq. Çünki cənab prezidentin cəmiyyətə mesajı ondan ibarət oldu ki, islahatlar davamlı olacaq.

İslahatlarda da əsas məqsəd şəffaflığı təmin etmək, korrupsiyanı aradan qaldırmaq, insanların həyat şəraitini yaxşılaşdırmaqdır. Əsas bu 3 məsələdən söhbət gedir”.

Emtv.az xəbər verir ki, bunu yerli mətbuata açıqlamasında deputat Vahid Əhmədov Prezident İlham Əliyevin məhkəmə-hüquq sistemində islahatların dərinləşdirilməsi ilə bağlı imzaladığı Fərmanı şərh edərkən deyib.

Deputat bildirib ki, bir müddət əvvəl sosial müavinətlər, bank sistemi ilə bağlı bir neçə sənəd imzalanıb. İndi isə məhkəmə-hüquq sistemi ilə bağlı Fərman verilib: “Bu, inqilabi Fərmandır. Çünki Azərbaycanda ən çox şikayət olunan sahə məhkəmə sistemidir. Məhkəmə sistemindən yüz minlərlə şikayətlər var. İnsanları incidirlər, rüşvət tələb edirlər, süründürməçiliyə yol verirlər. Qərarlar Azərbaycan qanunlarına uyğun yox, müəyyən təzyiqlər nəticəsində qəbul olunur. Fərmanda məhkəmələrin müstəqilliyini təmin etmək üçün bütün göstərişlər verilib. Məhkəmənin sosial vəziyyətinin yaxşılaşdırılması barədə maddə var. Bütün bunlar ondan ötrüdür ki, məhkəmələr artıq Azərbaycanda dönməz prosesin getdiyini başa düşsün. Bu prosesi idarə edən cənab prezidentdir”.

Vahid Əhmədov vurğulayıb ki, hər hansı bir məhkəmə, yaxud da istər yuxarı, istərsə də aşağı instansiya olsun, müəyyən addımlar atacaqsa, cəzalandırılacaq: “Əsas o təşkilatlara tapşırıq verilir ki, faktiki olaraq məhkəmələri bu günə salıblar. Hesab edirəm ki, məhkəmələr tam sərbəst olmalıdır. Heç kimin tabeliyində olmamalı, ayrıca qurum olmalıdır. Bütün dünyada olduğu kimi, qərarları da sərbəst qəbul etməlidirlər. Heç kimə də qulaq asmamalıdırlar. Azərbaycan dövlətinin qanunlarına, Mülki Məcəllə, İnzibati Məcəllə və digər qanunlara uyğun olaraq qərarlar verməlidirlər. Əgər insanın cəzası varsa çəkməlidir. Bu da tam şəffaf olmalıdır. Cənab prezident qeyd edib ki, audio yazılar aparılmalı, çəkilişə icazə verilməlidir. Başa düşürəm ki, hərbi və dövlət sirri olan məsələlər var ki, onlar qapalı keçirilə bilər. Ancaq qalan məhkəmələr açıq keçirilməlidir.

Həmçinin, sahibkarları məhkəmələr çox incidirlər. Bu da problemdir. Minlərlə şikayəti məhkəmələrə göndəririk. Proses çox ciddidir”.

Milli Məclisin deputatı media sahəsində də islahatların aparılmalı olduğunu qeyd edib: “Eyni zamanda, media sistemində də islahatlara başlamaq lazımdır. Millət vəkili olaraq deyə bilərəm ki, media sistemi bizi qane etmir. Çünki media sistemində yalnız birtərəfli işıqlandırma aparırıq. Fikir ayrılıqları olsa da, insanlar üçün şərait yaratmaq lazımdır ki, televiziyalarda, qəzetlərdə, internet saytlarında öz sözlərini desinlər. Bu məsələlər də gündəmdə var və öz həlini tapmalıdır. İslahatlar birtərəfli aparıla bilməz. Paralel aparılmalıdır ki, müəyyən nəticəyə sahib ola bilək”.

Sevinc Əlimova,
Emtv.az

OXŞAR XƏBƏRLƏR
"Azərbaycanın səsi" ictimai birliyi
ƏDƏBİYYAT

ARAŞDIRMALAR
XƏBƏR LENTİ
BÜTÜN XƏBƏRLƏR