SON DƏQİQƏ

PSJ yarımmüdafiəçisi Adrien Rabyonu cəzalandırıb.

Emtv.az xarici KİV-ə istinadən xəbər verir ki, buna 23 yaşlı futbolçunun Çempionlar Liqasının "Mançester Yunayted"ə qarşı təkrar 1/8 final oyunu öncəsi gecə klubuna getməsi səbəb olub.

Qeyd edək ki, PSJ təkrar qarşılaşmada uduzaraq ÇL-də mübarizəni dayandırıb.

Paris klubu ilkin cəza olaraq futbolçunu martın 27-nə kimi əsas komandadan xaric edib. Bu qərar həm də ona görə verilib ki, Rabyo "Mançester Yunayted"li futbolçu Patris Evranın PSJ üzərindəki qələbə sevinci ilə bağlı İnstagram-da etdiyi paylaşımı bəyənib.

Qeyd edək ki, bu günlərdə PSJ rəhbərliyinin iclası keçiriləcək. Həmin iclasda Rabyo ilə müqavilənin ləğv ediləcəyi və onun komandadan göndəriləcəyi ehtimal edilir.

Qeyd edək ki, PSJ - "Mançester Yunayted" matçında (1:3) Rabyonun adı oyunun iştirakçıları sırasında olmayıb. Görüşdən sonra o narazılıqla bildirib ki, yaxşı formada olsa da, heyətə daxil edilməyib.

Aynurə Kərimli
Emtv.az