SON DƏQİQƏ

Soyuqdəymənin müalicəsində istifadə olunan dərmanların əks təsirləri olduğunu düşünən insanların sayı kifayət qədərdir.

Emtv.az yerli mətbuata istinadən xəbər verir ki, əslində bu dərmanların insan sağlamlığına müvəqqəti xeyirləri ilə yanaşı, bir o qədər də zərərləri var.

Mütəxəssislər xəbərdarlıq edir ki, bəzi soyuqdəyməyə qarşı dərmanlar təzyiqi qaldırmaqla yanaşı, ürək infarktı riskini də artıra bilir. Əgər ürək-damar xəstəlikləri ilə bağlı probleminiz varsa, soyuqdəymə dərmanlarına güvənmək haqqında iki dəfə düşünməlisiniz.

Bəs bu dərmanlara alternativ olaraq nələrdən istifadə oluna bilər?

Aptekdə sizə bir neçə növdə dərman təklif etsələr, intranazal steroid və ya antihistaminik kimi alternativ müalicə vasitələrinə üstünlük verin. Bundan başqa, analgetik və iltihaba qarşı dərman kimi geniş istifadə olunan kimyəvi birləşmələr yerinə, ürək-damar xəstəliklərinin riskini artırmayan ağrıkəsici təsiri olan dərmanlar istifadə edə bilərsiniz.

Bu növ dərmanlar kardio-vaskulyar problemləri olan insanlar üçün risklidir. Sağlam insanların isə ürək infarktı və iflic olma ehtimalını artırır. Qan təzyiqinin yüksəlməsi yaxşıya doğru işarə deyil. Bütün bu problemlərin qarşısını almaq üçünsə ən başda, soyuqdan qorunmaq mütləqdir.

Nəzrin Abbaszadə
Emtv.az