SON DƏQİQƏ

Haram pul istəmirəm.

Balakən sakininin evindən 49 min ABŞ dollarını oğurlayan şəxs və yaxud şəxslər yarım aydan sonra oğurladıqları pulları geri qaytarıblar.

Emtv.az yerli KİV-ə istinadən xəbər verir ki, hadisə yanvarın 25-də rayonun Qullar kəndində baş verib.

Kənd sakini Sabir Teliyev yaşadığı evdən oğurluq olması barədə rayon polis şöbəsinə müraciət edib. 15 gün sonra isə oğurluq edənlər pulun böyük bir hissəsini məktubla birlikdə həyətyanı sahənin hasarından içəri tullayıblar. Məktubda bu sözlər yazılıb: "Biz haram pul istəmirik".

Sabir Telliyev - Zərərçəkən: "Yazmışdılar ki, bu işi imkansızlıqdan etmişəm. İndi tövbə etmişəm, pulu xərcləyə bilmərəm. Bu evin adamının işi deyil. Qalan pulu da qaytaracam".

Araşdırmalar davam etdirilir.

Nəzrin Abbaszadə
Emtv.az