SON DƏQİQƏ

"23-24 yaşımda ilk avtomobilim, evim oldu və mən öz karyeramı korladım. Ən yaxşı formada olanda daxilimdəki oyunçunu məhv etdim. Valideynlərimin, məşqçilərimin gözündə günahkar idim. Elə bilirdim ki, hamı mənə qarşıdır".

Emtv.az yerli KİV-ə istinadən xəbər verir ki, bu sözləri fəaliyyətini dayandırmış "Simurq" klubunun sabiq hücumçusu Vladimir Mazyar deyib. Karyerasının istənilən kimi alınmamasının səbəblərindən danışan veteran futbolçu bunu intizamsızlıqla əlaqələndirib. Futbolçu üçün xarakterin önəmindən bəhs edən Mazyer oynadığı dövrlərdə spirtli içki qəbul etdiyini də gizlətməyib:"Əvvəlcə məşqlərdə tam gücünü qoymursan, sonradan çəkini izləməyi unudursan, özünü tonusda saxlamağı dayandırırsan. Oyuna iki gün qalmış gəzmək, matçdan sonra içmək və bir neçə günə bərpa olunmaq olar. Futbolda xarakter çox böyük önəm kəsb edir. Artıq məşqçi olandan və keçmişimi təhlil edəndən sonra başa düşdüm ki, futbolçu Mazyarı öz komandama götürməzdim. Çoxlu bəhanə edirdim. Məsələn, özüm üçün zədələr fikirləşirdim və Yaltaya istrahətə gedirdim. Ancaq məni futbolçu kimi heç vaxt sərxoş tutmurdular və fotomu çəkdirmirdilər. Futbolçu eyni zamanda "alkaş"lıq edib və oynaya bilməz. Qarşısında yüksək vəzifələr qoyan komandalarda çıxış etmişdim. Bu, sadəcə, mümkün deyildi. Deyə bilmərəm ki, "alkaş"lıq edirdim, ancaq içirdim və rejimi pozurdum".

Qeyd edək ki, 42 yaşlı Mazyar 2009-2010 mövsümündə ölkəmizdə "Standard"da da çıxış edib. "Simurq"un (2007-2009) heyətində bürünc medal qazanan ukraynalı 28 qolla Zaqatala klubunun tarixinə ən yaxşı bombardir kimi düşüb.

Nəzrin Abbaszadə
Emtv.az