SON DƏQİQƏ

Rusiyalı UFC döyüşçüsü Həbib Nurməhəmmədov irlandiyalı Konor Makqreqorla döyüşdən sonra etdiyi hərəkətlərə görə 9 ay diskvalifikasiya edilib.

Emtv.az xarici KİV-ə istinadən xəbər verir ki, o, həmçinin 500 min dollar cərimə olunub.

Bəs, Həbibin cəzası nə zaman bitəcək?

Tərəflər arasında görüş oktyabr ayında baş tutub. Məhz Nurməhəmmədovun cəzası da həmin vaxtdan hesablanacaq. Artıq qarşılaşmanın üzərindən 3 ay keçdiyini nəzərə alsaq, rusiyalı döyüşçü daha 6 ay rinqdən uzaq olacaq.

O, qazandığı pulların 500 min dollarını da cərimə kimi ödəyəcək. Rəqibi Konor Maqreqor isə 50 min dollar cərimələnib. Nurməhəmmədov isə Nevada ştatının Atletika Komissiyasının bu qərarına etiraz edib.

O, Tvitter hesabında bu qərara qarşılıq olaraq "əbədi siyasət" deyə paylaşım edib.

Nurməhəmmədovun kəməri isə əlindən alınmayacaq.

Nəzrin Abbaszadə
Emtv.az