SON DƏQİQƏ

[b]İngiltərənin "Kardiff Siti" klubunun yeni futbolçusu Emiliano Salanın da yer aldığı təyyarənin itməsi ilə əlaqədar istintaq davam edir.[/b]

Emtv.az yerli mətbuata istinadən bildirir ki, hava gəmisini idarə edən Devid İbbotsonun ödənişli uçuşlar üçün lazımi lisenziyaya malik olmadığı üzə çıxıb.

[b]İbbotson qaz təsərrüfatında çalışsa da, yüngül təyyarələrin idarə edilməsində böyük təcrübəyə malik olub. O, paraşütlə uçuş həvəskarlarını lazımi yüksəkliyə çatdırmaqla məşğul imiş.[/b]

Hazırda uçuşun futbolçu tərəfindən ödənildiyi və ya özəl olub-olmaması müəyyənləşdirilir.

[b]Qeyd edək ki, Fransanın "Nant" klubundan "Kardiff Siti"yə keçən Emiliano Sala yanvarın 21-də komanda yoldaşları ilə sağollaşaraq xüsusi təyyarə ilə Uelsə yola düşüb. Ancaq təyyarə ünvana çatmasına 1,5 saat qalmış radardan itib. Polis yanvarın 24-də təyyarənin axtarışlarının dayandırıldığını bildirib.[/b]

[b]Nəzrin Abbaszadə
Emtv.az[/b]