17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
15:05 - QHT Qubada tədbir keçirdi
Ata 6 yaşlı oğlunu süpürgənin sapı ilə döyə-döyə öldürdü
Türkiyənin Hatay rayonunun İskəndərun qəsəbəsində pilləkəndən yıxıldığını deyib, xəstəxanaya gətirdiyi oğlunu atanın döydüyü üzə çıxıb.
Emtv.az xarici KİV-ə istinadən xəbər verir ki, Məhmət Əli Yılmaz adlı kişi 2012-ci ildə evləndiyi və bir müddət öncə boşandığı Gülüstan Özgərdən olan 6 yaşlı Mərtcan adlı oğlunu yanvarın 3-də xəstəxanaya gətirib.
O, xəstəxanada bildirib ki, oğlu pilləkənlərdən yıxılaraq xəsarət alıb. Vəziyyəti ağır olan uşağın müayinə zamanı oturacağında göyərtilər aşkarlanıb. Buna görə Mərtcanın atası polis tərəfindən şübhəli kimi dindirilib. Polisə ifadə verən zaman ata Yılmaz dərslərini oxumadığı üçün oğlunun oturacağına bir neçə dəfə vurduğunu etiraf edib. Polis ifadə əsasında araşdırmanı daha da dərinləşdirib. Və məlum olub ki, ata oğlunu süpürgənin dəmir sapı ilə vəhşicəsinə döyüb.
Ata Yılmaz dərhal həbs olunub. Hadisədən 4 gün sonra müalicə aldığı xəstəxanada Mərtcan vəfat edib.
Yılmaz polisə verdiyi ifadədə elə şeylər danışıb ki, polislər şok keçiriblər. O deyib ki, 6 yaşlı oğlunu dərs oxumadığı üçün süpürgənin dəmir sapı ilə döyüb, dodaqları göyərən uşaq yerə yıxılıb: "Oğlum yerə yıxılıb, hərəkətsiz qalanda, qorxumdan ona ürək masajı etdim. Amma Mərtcanda hərəkətlilik olmadı. Bundan sonra oğlumu qucağıma aldım. Qusmağa başladı. Bu vaxt təcili yardım gəldi, xəstəxanaya çatdırdım. Xəstəxanada qorxumdan döydüyümü demədim, pilləkəndən yıxıldığını söylərim. Çox peşmanam".
Bu arada, polis Yılmazın digər övladının anasının da ifadələrini alıb. Məlum olub ki, övladını öldürən ata digər uşaqlarına və arvadına da mütəmadi olaraq zorakılıq edib, onları döyürmüş.
Arvadı da zorakılığına görə Yılmazdan boşanıb. Yılmazın bundan başqa 10-a yaxın cinayət əməlinin olduğu üzə çıxıb. O keçmiş arvadını da təhdid edərək, uşaqların hüququnu öz üzərinə alıbmış.
Nəzrin Abbaszadə
Emtv.az