SON DƏQİQƏ

Gəncə Ağır Cinayətlər Məhkəməsində 3 qadına qarşı seksual xarakterli hərəkətlər edən şəxsin məhkəməsi başlayıb.

Emtv.az yerli mediaya istinadən xəbər verir ki, cinayət məcəlləsinin 150.2.5 (seksual xarakterli hərəkətlər təkrar törədildikdə) və 221.3-cü (xuliqanlıq, silahdan istifadə etməklə) maddəsi ilə təqsirləndirilən Rəhimov Fariz Fazil oğlunun məhkəmə prosesinə hakim Nuray Əliyev sədrlik edir.

Cinayət işində Puşkaryova Arzu Tofiq qızı, Çakır Sevda Adi və Voloşina Svetlana Aleksandrovna tanınıb.

Qeyd edək ki, F.Rəhimov əvvəllər analoji maddə ilə dəfələrlə məhkum olunub. Daxili İşlər Nazirliyinin mətbuat xidmətindən məlumata görə, 2008-ci il sentyabrın 25-də saat 03.30 radələrində Gəncə şəhər sakinləri Fariz Rəhimov və Ruslan Xolcudov sərxoş halda Atatürk prospektində yaşayan Alyona İvanovanın mənzilinin qapısını sındıraraq mənzilə daxil olublar və onu zorlayıblar. Sonra onlar qızı hədələyərək pul tələb ediblər. Kəpəz Rayon Polis Şöbəsinin əməkdaşlarının keçirdikləri əməliyyat tədbirləri nəticəsində Rəhimov və Xolcudov tutulublar.

Belə ki, Fariz həbsdən çıxdıqdan sonra öz əməllərindən əl çəkməyib və yaşadığı Kəpəz rayonu ərazisində müxtəlif qadınlara qarşı seksual xarakterli hərəkətlər edib. Farizin əməllərindən zərərçəkən qadınlar polisə şikayət etdikdən sonra seksual manyak dərhal həbs olunub.

Seymur Rəhimov,
Emtv.az
Paylaş: