SON DƏQİQƏ

Futbol üzrə Azərbaycan Kubokunda 1/4 final mərhələsinin daha bir cavab görüşü keçirilib.

Emtv.az xəbər verir ki, "Əlincə Arena"da "Sabah" komandası "Qəbələ"ni qəbul edib.

FIFA referisi Əliyar Ağayevin idarə etdiyi qarşılaşma qonaqların qələbəsi ilə yekunlaşıb - 1:0.

Yeganə topu 80-ci dəqiqədə Ceyms Adeniyi vurub. Görüş bərabər mübarizə şəraitində keçib. Meydan sahiblərinə ilk matçdakı minimal hesablı məğlubiyyətin əvəzini çıxmaq lazım gəlsə də, kəsərli hücumlar qurmaları alınmayıb. Əvəzində "qırmızı-qaralar" əks-hücum zamanı istəklərinə çatıblar. Adeniyi müdafiəçilərdən dönən topu qüvvətli zərbə ilə tora göndərib.

Beləliklə, hər iki görüşdə eyni hesabla qalib gələn "Qəbələ" yarımfinala yüksəlib. Növbəti mərhələdə rəqib saat 19:00-da başlanacaq "Keşlə" - "Qarabağ" görüşünün nəticəsinə əsasən müəyyənləşəcək. İlk matçda Ağdam komandası qalib gəlib - 1:0.

Qeyd edək ki, digər yarımfinalda isə "Zirə" və "Sumqayıt" komandaları üz-üzə gələcək.

-----------
08:03

Bu gün ölkə kubokunda 1/4 final mərhələsinin cavab oyunlarına yekun vurulacaq.

Keçiriləcək iki oyunla yarımfinala yüksələcək növbəti cütlük bəlli olacaq.

Premyer Liqamızın debütantı "Sabah" "Əlincə Arena"da "Qəbələ"ni qəbul edəcək. Çempionatda işləri yaxşı getməyən Qəbələ təmsilçisi ilk oyunda qazandığı qələbənin (1:0) üstünlüyündən yararlanmağa çalışacaq.

Günün digər oyununda isə "Qarabağ" "Keşlə"nin qonağı olacaq. İlk oyunda 1:0 hesabı ilə qalib gələn Ağdam klubu cütün favoriti hesab olunur.

Xatırladaq ki, ötən gün keçirilən iki cavab oyunundan sonra "Zirə" və "Sumqayıt" adını yarımfinala yazdırıb.

Azərbaycan kuboku

1/4 final mərhələsi, cavab oyunları

20 dekabr (çərşənbə axşamı)

16:00. "Sabah" - "Qəbələ"
İlk oyun: 0:1
Hakimlər: Əliyar Ağayev, Rza Məmmədov, Akif Əmirəli, Rauf Allahverdiyev
"Əlincə Arena"

19:00. "Keşlə" - "Qarabağ"
İlk oyun: 0:1
Hakimlər: İnqilab Mmmədov, Mübariz Haşımov, Rahil Ramazanov, Səbuhi Bayramov
"ASK Arena"

19 dekabr

"Sumqayıt" - "Neftçi" - 0:1
Qol: Namiq Ələskərov, 43
Qırmızı vərəqə: Arif Daşdəmirov, 87 ("Sumqayıt")
İlk oyun: 2:0


16:00. "Səbail" - "Zirə" -2:3
Qollar:Adrian Skarlatake, 3-avtoqol (1:0), Adil Nağıyev, 45+2 (1:1), Pərdis Fərcad-Azad, 63 (1:2),Adil Nağıyev, 73(1:3), Ruslan Qurbanov, 83 (2:3)
İlk oyun: 0:1


1/2 finalda qarşılaşacaqlar:


"Sumqayıt" - "Zirə". report.

Seymur Rəhimov,
Emtv.az