SON DƏQİQƏ

Tiflisdə həyata keçirilən xüsusi əməliyyat zamanı həbs edilən beş Ukrayna vətəndaşı arasında “Samipomiş” partiyasından Ali Radanın deputatı olan Semyon Semençenko da olub. Bir müddət sonra isə ukraynalı deputat qaça bilib.

Emtv.az xəbər verir ki, bu sözləri Ukrayna prezidentinin müşaviri Biryukov öz Facebook səhifəsində paylaşıb.

“Mənim müxtəlif formada əlaqələrim var və onlar deputat Semençenkonun Tiflisdə olması barədə məlumatı təsdiqləyiblər.
Semençenko bizi diplomatik qalmaqala salıb. Smençenko son anda adamlarını orada qoyaraq, qaçmağa müyəssər olub”,- prezident Poroşenkonun müşaviri qeyd edib.

Gürcüstan Daxili İşlər Naziriliyinin dekabrın 2-də Tiflisdə “Quru” və “Alyans” otellərində keçirdiyi xüsusi əməliyyat nəticəsində 7 nəfər saxlanılıb və onların 6-sı Ukrayna vətəndaşı olub.

Onlardan Beretta və Makarov tipli pistoletlər, müxtəlif cür odlu silah və sursat götürülüb.

Ukrayna vətəndaşlarının noyabrın 27-də Tiflisə gəldiyi bəlli olub. Hazırda onların Gürcüstana səfərlərinin ölkədəki siyasi proseslərlə əlaqəsinin olub-olmaması araşdırılır.

Onu da qeyd edək ki, Ukrayna parlamentinin deputatı Semyon Semençenko prezident Poroşenkonun onun barəsində guya Tiflisdə həbs olunaraq və daha sonra qaçması barədə yaydığı xəbərləri təkzib edib.

O deyib ki, hazırda Tiflisdə həbs edilən Ukrayna vətəndaşlarının ailələrini məlumatlandırmaqla yanaşı, vəkillər prosesə cəlb edib vəziyyəti aydınlaşdırmaq məşğuluq.

Ukrayna deputat onu da bildirib ki, onun hərkətəi hər hansı təxribata və diplomatik qalmaqala səbəb olmayıb.

Seymur Rəhimov,
Emtv.az