SON DƏQİQƏ

Ankara Rusiya Araşdırmaları İnstitutu (RUSEN), Rusiyanın Ankara Səfirliyi, Rus-Türk İctimai Forumu, Ankara İldırım Beyazıt Universiteti və AK Partiya Xarici Əlaqələr Rəhbərliyinin təşkilatçılığı ilə “Türkiyə -Rusiya münasibətləri: Gələcəyi formalaşdırmaq” mövzuzunda forum keçirilib.

Emtv.az yerli KİV-ə istinadən xəbər verir ki, forumda “Təhlükəsizlik və hərbi əməkdaşlığı” iclasında çıxış edən general Aleksandr Vladimirov “Türk axını” layihəsi ilə bağlı mövqeyini açıqlayarkən deyib ki, Rusiya və Türkiyənin prezidentləri strateji baxımından yeni dünya düzəninin memarlığının tikintisinin əsasını qoyub.

Rusiya-Türkiyə münasibətlərinin gələcəyinin formalaşdırılmasının zəruri olduğunu vurğulayan Vladimirov deyib ki, Rusiya və Türkiyə sağlam dialoq quraraq, yeni dünya nizamını birlikdə qurur: “Yalnız dialoq vasitəsilə dünyadakı problemlər həll oluna bilər. Bütün ölkələrin bunu anlaması lazımdır”.

Forumda çıxış edən Rusiya müdafiə və təhlükəsizlik üzrə eksperti İlya Kramnik deyib ki, Türk müdafiə sənayesi məhsulları da Rusiyanın marağını çəkə bilər. Rusiya ilə Türkiyə arasında hərbi sahədə 2015 ildən sonra yeni hadisələr baş verməyə başladığını qeyd edən Kramnik deyib ki, S-400 müqaviləsi imzalandı: “Bu müqavilənin dəyəri 2,5 milyard həcmindədir. Daha öncə bu yöndə belə bir iş birliyi müqaviləsi olmayıb. Hərbi tərəfdaşlıq gələcəkdə davam edəcək”.

Türkiyənin müdafiə sənaye sahəsində mühüm uğurlara imza atdığını qeyd edən Kramnik qeyd edib ki, hər iki ölkənin də hərbi məhsul məsələsində həm idxalçı, həm də ixracatçı ola biləcəyini dilə gətirib.

Türkiyənin istehsal etdiyi müdafiə sənayesi məhsullarının də Rusiyanın marağını çəkə biləcəyini ifadə edən Kramnik bildirib ki, pilotsuz uçan aparatları (PUA) məsələsində Türkiyə böyük uğurlar əldə edib: “Artıq bu sahədə istehsala da başlanılıb. İki ölkə arasında pilotsuz uçan aparatlar sahəsində iş birliyi ola bilər. Rusiya Türkiyə istehsalı olan bu PUA-lara maraq göstərə bilər”.

Türkiyəli təhlükəsizlik məsələləri üzrə ekspert, polkovnikl Yusif Alabarda Türkiyənin Rusiya ilə münasibətlərində tarazlığın təmin olunduğunu, həmçinin son illərdə Türkiyədəki müdafiə sənayesi sahəsində ciddi addımların atıldığını dilə gətirib.

Aynurə Kərimova,
Emtv.az

Paylaş.