SON DƏQİQƏ

KTMT-nin Astanada keçirilən sammitində Belarus və Qazaxstanın sərgilədiyi mövqe təşkilat daxilində, xüsusən də Ermənistanla Minsk, Astana arasında ciddi qalmaqala səbəb olub.

Belə ki, KTMT-də müzakirə olunan məsələlərin həmin təşkilatın toplantısında müşahdiəçi qismində iştirak edən Azərbaycana dolğun məlumat verilməsi İrəvanın ciddi etirazına səbəb olub.

Nəticədə çıxılmaz vəziyyətə düşən Ermənistanın baş nazir postunu icra edən Nikol Paşinyan Belarus prezidenti Aleksandr Lukaşenko və Qazaxstan prezidenti Nursultan Nazarbayevdən məsələyə aydınılıq gətirməsini tələb edib.

Emtv.az yerli KİV-ə istinadən xəbər verir ki, Paşinyan hətta Lukaşenkoya hədə dolu mesaj ünvanlayaraq, İrəvanın Minsklə münasibətlərinə yenidən baxılacağını bəyan edib.

“Onlar indiyədək Ermənistanla etdikləri rəftara qarşı öyrəşdikləri ənənəvi münasibətləri bundan sonra görə bilməyəcəklər. Yoxsa, bir çoxlarında bizimlə münasibətlərində kiçik ölkə və xalq kimi yanaşma cəhdi təəssüratı yaranmaqdadır. Mən bir şeyi dəqiq deyə bilərəm ki, bu mümkün olmayacaq”, – Paşinyan vurğulayıb.

Paşinyanın Belarus prezidenti Aleksandr Lukaşenkoya ünvanlandığı müraciət barədə danışan Belarus XİN rəsmisi A.Qlaz deyib ki, görünür, Paşinyan bununla beynəlxaql prokuror rolunu oynamaq istəyib.

“Ola bilsin ki, Paşinyan belə bir hərəkəti Ermənistandan vətəndaşı olan KTMT-nin baş katibi Yuri Xaçaturovla olan məsələ ilə bağlıdır.

Ancaq o unutmamalıdır ki, dövlətlərarası münasibətlərdə dəqiq etiket və protokol qaydaları hökm sürür. Yəqin ki, cənab Paşinyan hələ də başa düşə bilmir ki, küçə demokratiyası böyük siyasətdə məqbul sayılmır. Çox təəssüf edirik. Ümid edirik ki, bu, zamanla keçəcək”,- belarsulu diplomat vurğulayıb.

Məqaləni hazırlayıb Mürtəza
Emtv.az