SON DƏQİQƏ

ABŞ prezidenti Donald Tramp, ABŞ – Meksika sərhədinə doğru irəliləməyə çalışa miqrant və köçkünlərə atəş açmaqla cavab veriləcəyini deyib.

Emtv.az xəbər verir ki, Ağ Evdə mətbuat konfransı keçirən Tramp, ölkəyə gəlmək istəyən miqrantlara sığınacaq verilməyəcəyini bildirib.

Tramp Hondurasdan yola çıxan kökçün karvanının bəzi üzvlərinin Qvatamela-Meksika sərhədində Meksika polisinə daş atdığını xatırladaraq, ABŞ-ın buna atəş açmaqla cavab verəcəyini qeyd edib:

“Dünyada milyardlarla insan yoxsulluq içərisində yaşayır. ABŞ-ın bu insanların hamısına qucaq açmasını gözləmək olmaz. Ümid edirəm ki, bizim sərhədimizə doğru irəliləyənlər dağ atmaq haqqına fikirləşməzlər. Amma sizə açıq deyirəm, Meksikadakı kimi daş atmağa cəhd etsələr, təhlükəsizlik qüvvələrimiz atəş açmaqla qarşılıq vermək variantını qiymətləndirəcəkdir”- Tramp belə deyib.

Qeyd edək ki, ABŞ-a gedən köçkün dəstəsində təxminən 1500 nəfər var. Sığınacaq almaq istəyən qaçqınlar Honduras, Qvatamela vətəndaşlarıdır. Onlar ölkələrindəki kasıblıq və zorakılıq mühitindən qaçaraq ABŞ-a, ya da Meksikaya getmək istəyirlər. 1500 nəfər qaçqına sığınacaq vermək istəməyən Tramp isə bunu ABŞ torpaqlarının “istilası” kimi qiymətləndirir.

Aynurə Kərimli
Emtv.az

Paylaş:
avropa.info