17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
16:46 - Aygün Əliyeva: "2022-ci ili Qurumun Fəaliyyətinin İlk İli Kimi Xarakterizə Edə Bilərik" - Müsahibə
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
Noyabrın 23-də “Şimal-Cənub” Beynəlxalq Nəqliyyat Dəhlizi üzrə üçtərəfli görüş keçiriləcək
Noyabrın 23-də Hindistan, Rusiya və İran arasında “Şimal-Cənub” Beynəlxalq Nəqliyyat Dəhlizi üzrə üçtərəfli görüş keçiriləcək. Görüşdə Hindistandan Azərbaycandan keçməklə Finlandiyaya qədər uzunluğu 7200 kilometr olan “Şimal-Cənub” Beynəlxalq Nəqliyyat Dəhlizi ilə yükdaşıma məqsədilə dəniz, avtomobil və dəmir yolu marşrutunun tezliklə istismara verilməsi ilə əlaqədar məsələlər müzakirə olunacaq.
Emtv.az xarici KİV-ə istinadən xəbər verir ki, Hindistanın Ticarət və Sənaye naziri Sureş Prabhu keçən həftə öz ölkəsi ilə Rusiya arasında investisiya və biznes əlaqələrinin artırılması ilə bağlı Rusiyalı işgüzar dairələri ilə keçirdiyi görüşdə bu marşrutun tezliklə işə salınması üçün bütün lazımi məsələlərin həll edilməsinin mümkünlüyünü qeyd edib.
Hindistanlı nazir “Şimal-Cənub” Beynəlxalq Nəqliyyat Dəhlizi layihəsini Mərkəzi Asiya ölkələri ilə nəqliyyat sahəsində əməkdaşlığı təşviq etmək və region ölkələri ilə bağlılığı artırmaq baxımından Hindistan, Rusiya və İran tərəfindən irəli sürülmüş mühüm bir təşəbbüs kimi qiymətləndirib.
2000-ci il sentyabrın 12-də Rusiya, İran və Hindistan arasında imzalanmış hökumətlərarası Saziş əsasında “Şimal-Cənub” Beynəlxalq Nəqliyyat Dəhlizinin təməli qoyulub. Azərbaycan bu Sazişə 2005-ci ildə qoşulub. Ümumilikdə 13 ölkə sözügedən Sazişi ratifikasiya edib.
Dəhlizin yaradılmasında məqsəd Hindistandan Rusiyaya, eləcə də Şimali və Qərbi Avropaya gedən yüklərin çatdırılma müddətini azaltmaqdır (hazırkı marşrut üzrə çatdırılma vaxtı 6 həftədən artıqdır, “Şimal-Cənub” dəhlizi vasitəsilə 3 həftə olması gözlənilir).
“Şimal-Cənub” Beynəlxalq Nəqliyyat Dəhlizinin Qərb marşrutunun işə düşməsi nəinki region ölkələrinin iqtisadi inkişafına təkən verəcək, eyni zamanda, həmin ölkələr siyasi sabitlik üçün də zəmanət əldə etmiş olacaqlar.
İsmayil İsmayilov
Emtv.az
Paylaş: