SON DƏQİQƏ

İŞİD terrorçuları Suriyada ABŞ və Avropa vətəndaşlarını girov götürüb.

Emtv.az xəbər verir ki, bunu Rusiya prezidenti Vladimir Putin “Valday” klubunda çıxışı zamanı deyib.

Onun sözlərinə görə, İŞİD terrorçuları Suriyada bir neçə ABŞ və Avropa ölkələrinin bir neçə vətəndaşını girov götürüb: “Bzidə belə məlumatlar var. Lakin heç nə olmamaış kimi hamısı susur, sakitlik hökm sürür”.

RİA-Novosti isə xəbər verir ki, Qərb ölkələrinin girovları İŞİD terrorçularının əlindədir.

İŞİD həmin girovları nəzarətində olan Suriyanın Deyr əz-zor əyalətindəki Haci yaşayış məntəqəsində saxlayır.

Agentlik onu da qeyd edib ki, İŞİD terrorçuları oktyabrın 13-də Əl-Bahra yaşayış məntəqəsindəki qaçqınlar düşərgəsinə hücum edərək, 130 ərəb ailəsini girov götürüblər.

İŞİD girovluğunda 750-dən artqı insanın olduğu və bunların arasında Qərb ölkələrinin və digər ölkələrin də vətəndaşlarının olduğu bildirilir.

RİA-Novostinin verdiyi xəbərə əsasən, İŞİD terrorçuları bu girovlar vasitəsi ilə YPG kürd terrorçularına qarşı ultimatum irəli sürərək, vaxtilə onların nəzarətində olan Fərat çayının şərqindəki ərazilərdən geri çəkilməyi tələb edirlər. Onlar YPG terrorçularına təzyiq vasitəsi kimi hər gün həmin girovlardan birini güllələyir.

İsmayil İsmayilov
Emtv.az