17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
15:05 - QHT Qubada tədbir keçirdi
ABŞ rəsmisi: “Qarabağa səfər etməmişəm və belə bir niyyətim yoxdur”
“Qarabağa səfər etməmişəm və belə bir niyyətim yoxdur. ABŞ rəsmiləri Azərbaycanın işğal olunmuş ərazilərinə səfər etmir”.
Emtv.az xəbər verir ki, bu sözləri ABŞ Dövlət Departamentinin Avropa və Avrasiya məsələləri üzrə dövlət katibinin köməkçisinin müavini Corc Kent bu gün keçirdiyi mətbuat konfransında deyib.
Corc Kent bildirib ki, ABŞ öz vətəndaşlarını işğal olunmuş ərazilərə səfər etməkdən çəkinməyə çağırır: “ABŞ vətəndaşlarına Dağlıq Qarabağa da səfər etməmələri üçün çağırışlar etmişik”.
C.Kent bildirib ki, ABŞ ATƏT-in Minsk qrupunun həmsədrlərindən biri kimi, münaqişənin Madrid prinsipləri əsasında nizamlanması üzrə öhdəliklərinə ciddi yanaşır:
“Bu ay, iki həftədən sonra ATƏT-in Minsk qrupunun həmsədrləri regiona səfər edəcəklər. Qeyd etmək istərdim ki, qoşunların təmas xəttində gərginliyin səviyyəsi azalıb. Tərəfləri bu ab-havanı qorumağa çağırırıq”.
Dövlət Departamentinin rəsmisi Azərbaycanın həyata keçirdiyi enerji layihələrinə, o cümlədən “Cənub Qaz Dəhlizi”nin reallaşmasına ABŞ-ın davamlı dəstəyi yüksək qiymətləndirib. C.Kent enerji mənbə və marşrutlarının diversifikasiyası siyasətində Azərbaycanın vacib rol oynadığını deyərək, ABŞ-ın enerji təhlükəsizliyi ilə bağlı layihələrə mövqeyinin dəyişməz olduğunu qeyd edib.
Corc Kent bildirib ki, ABŞ energetika, təhlükəsizlik, iqtisadi və digər sahələrdə Azərbaycan ilə ikitərəfli münasibətləri davamlı şəkildə inkişaf etdirir.
İsmayil İsmayilov
Emtv.az