SON DƏQİQƏ

Rusiya prezidenti Vladimir Putinin Hindistana rəsmi səfəri çərçivəsində iki ölkə arasında S-400 zenit-raket kompleksinin alınması barədə saziş imzalanıb.

Emtv.az xəbər verir ki, ABŞ-ın Hindistana sanksiya təhdilərinə baxmayaraq, Dehli Rusiyadan S-400 ZRK-sına 5,4 milyard dollar ödəyəcəyini bəyan edib.

Qeyd edək ki, S-400 zenit-raket sistemlərinin Hindistana çatdırılması barədə hökumətlərarası saziş 2016-cı ilin oktyabrında əldə olunsa da, müqavilə bu günədək imzalanmamışdı. Hindistan müqaviləyə ABŞ-ın maliyyə sanksiyaları barədə təhdidlərinə baxmayaraq imza atıb. Belə ki, ötən həftə Vaşinqton Rusiyadan analoji sistemlər alan Çinə sanksiyalar tətbiq edib.

Uzaq və orta mənzilli S-400 “Triumf” zenit-raket kompleksləri bir neçə metrdən onlarla kilometr hündürlükdə saniyədə 4,8 kilometrə qədər sürətlə hərəkət edən strateji və taktiki aviasiyanı, ballistik raketləri, səsdən sürətli hədəfləri, həmçinin istənilən digər hava hədəflərini məhv etmək üçün nəzərdə tutulub. Bu sistemlər 400 kilometr məsafəyədək aerodinamik hədəfləri və 60 kilometr məsafəyə qədər ballistik raketləri vura bilir.

İsmayil İsmayilov
Emtv.az