SON DƏQİQƏ

Milli Məclisin deputatı Novruzov Qarabağ məsələsi ilə bağlı bəzi qüvvələr tərəfindən etiraz aksiyalarının keçirilməsini sərt tənqid edib.

Emtv.az xəbər verir ki, bu haqda fikirlərini parlamentin oktyabrın 5-də keçirilən plenar iclasında çıxışı zamanı dilə gətirən deputat bildirib ki, əslində, bunlar erməni dəyirmanına su tökməkldir.

Onun sözlərinə görə, Qarabağ məsələsi ilə bağlı danışıqlar prosesi gedir və bu məsələdə də bütün səlahiyyət ölkə prezidentinindir: “Mintinq keçirənlər belə əcaib arqumentlər gətirirlər ki, bəs Qarabağ məsələsi ilə bağlı cənab prezidntə hansısa təzyiqlər var və onlar da bu təzyiqlərin qarşısını almaq istəyirlər… Bu, nə arqumentdir? Azərbaycan xalqı prezident seçkilərində cənab prezidentə mandat, səlahiyyət verib və Qarabağ məsələsində bütün səlahiyyət onun üzərindədir. Cənab prezident ən sərt şəkildə mövqeini ortaya qoyub. Amma bunlar gülünc arqumentlərlə ortaya düşüblər. Qarabağ Azərbaycanındır. Bu məsələdə sənin, mənim məsələsi yoxdur. Biz Qarabağ məsələsində sülh danışıqlarına üstünlük veririk. Amma lazım gəlsə, torpaqlarımızı digər vasitələrlə də azad edəcəyik. İndi insanları mitinqlərə çağıranların övladları, görəsən, müharibə olsa gedəcəklərmi?.. Onlar insanların heysiyyatı ilə oynamasınlar”.

Seymur Rəhimov
Emtv.az