SON DƏQİQƏ

Türiyənin xarici işlər naziri Mövlud Çavuşoğlu Suriyanın Mənbiç şəhərində YPG terrorçularına qarşı əməliyyatların başlanması ilə bağlı mesaj verib.

Emtv.az xəbər verir ki, Çavuşoğlu Mənbiçdən YPG terrorçularının tamamilə çıxarılması zamanının yetişdiyini deyib.

Çavuşoğlu bildirib ki, Mənbiçin yerli əhaliyə təhvil verilməsinin zamanı gəlib.

Çavuşoğlu bu fikirləri ABŞ-ın müdafiə naziri Cem Mattisin açıqlamasından sonra bəyan edib.

Türkiyə ilə Suriyanın şimalında Mənbiçdə birgə patrul nəzarəti həyata keçirilməsi barədə danışan Mattis deyib ki, ABŞ ordusu Türkiyə ordusu ilə birgə təlimlər keçir: “Bu təlimlər bir neçə həftə davam edəcək və təlimlərdən sonra bölgədə birgə nəzarət həyata keçiriləcək”.

Birgə rəlimlərə oktyabrın sonunda başlanılması gözlənilir.

Qeyd edək ki, M.Çavuşoğlu iyun ayında ABŞ dövlət katibi Maykl Pompeo ilə görüşü zamanı Mənbiçlə bağlı yol xəritəsini razılşadırıb.

Xatırladaq ki, bir neçə gün öncə Türkiyə prezidenti Rəcəb Tayyib Ərdoğan ABŞ-ın PKK/PYD terrorçularına qarşı mübarizədə verdiyi sözə əməl etmədiyini bəyan etmişdi.

İsmayil İsmayilov
Emtv.az