SON DƏQİQƏ

Rusiyanın ardınca ABŞ və Yunanıstan Aralıq dəniz ekvatoriyasında Egey dənizində birgə hərbi təlimlər keçirməyə hazırlaşır.

Emtv.az xarici KİV-ə istinadən xəbər verir ki, Rusiyanın Aralıq dənizində 26 döyüş gəmisinin iştirakı ilə keçirdiyi təlimlərinin ardınca “Vostok-2018” hərbi təlimlərinə qarşı ABŞ Avropa ölkələri ilə birlikdə Yunanıstanda və Egey dənizində genişmiqyaslı hərbi təlimlər keçirəcək.

Hərbi təlimlərdə ABŞ-ın Hərbi Hava Qüvvələrinin təyyarələri, vertolyotları fəal iştirak edəcək.

Bu təlimlərdə bir çox NATO ölkəsinin iştirakı gözlənilsə də, Türkiyənin bu təlimlərdə iştirakı nəzərdə tutulmur. Daha doğrusu, hərbi təlimlər Türkiyənin iştirakı olmadan keçirilməsi nəzərdə tutulur

ABŞ-la Yunanıstan arasında hərbi təlimlərlə bağlı bu vaxta qədər görünməmiş bir səviyyədə Türkiyənin iştirakı olmadan görüşlər keçirilməkdədir. Hərbi təlimlərin oktyabrın ortalarında keçirilməsi planlaşdırılır və noyabr ayında isə bu təlimlərə digər Avropa ölkələri qatılacaq. Ona görə də Ankara bu təlimləri həm də Türkiyəyə qarşı bir güc göstərmə nümayişi kimi dəyərləndirir.

Yunanıstan və Egey dənizində keçiriləcək hərbi təlimlərə “Combat Aviation Brigade” (Hərbi Aviasiya briqadası), təlimə 83-ci Beynəlxalq Selanik sərgidə iştirak üçün bölgəyə gələn ABŞ-ın 6-ci Donanmasına aid döyüş gəmisi olan “USS Mount Whitney” gəmisi komandanlıq edəcək. Təlimdə 40-dan çox “Apachi” və “Black Hawk” vertolyotları ilə yanaşı, Hərbi-Hava Qüvvələrinə məxsus digər təyyarə və vertolyotlar iştirak edəcək.

Hərbi təlimlərdə NATO ölkələrinin əksəriyyəti dəvət edilsə də, Türkiyəni bu təlimlərə dəvət almayıb və iştirakı planlaşdırılmır. Bu isə NATO ilə Türkiyə arasında müəyyən sulların yaranmasına səbəb olur. Çünki təlim keçiriləcək ərazi birbaşa Türkiyənin sərhədində keçirilir, lakin Türkiyə həmin təlimlərə qatılmır. Bu təlimlər Türkiyəyə güc nümayişi kimi dəyərləndirilir. Aralıq dənizindəki bu təlimlər eyni zamanda Rusiyaya cavab kimi keçirildiyi qeyd olunur.

İsmayil İsmayilov
Emtv.az