SON DƏQİQƏ

YPG/PKK terror təşkilatı iki il öncə Afrindən şərqə doğru çəkilərək işğal etdiyi Tel Rıfat qəsəbəsindən Azad Suriya Ordusunun (ASO) mövqelərini atəşə tutub.

Emtv.az xəbər verir ki, (ASO) terror təşkilatına cavab atəşi açıb.

Xəbər verilir ki, Azez-Mare xəttində başlayan atışma üç gündür davam edir.

“Fərat qalxanı” bölgəsində yerləşən Türkiyə Silahlı Qüvvələri (TSQ) da artileriya ilə PKK/YPG terrorçularına cavab atəşi açıb. TSQ “Fərat qalxanı” bölgəsində YPG/PKK ilə cəbhə xəttini gücləndirib.

TSQ bögəyə 30 zirehli texnika, əsgər və snayperləri yerləşdirib.

YPG/PKK terror təşkilatı 2016-cı ilin əvvəllərindən Fərat çayının şərqində işğal etdiyi torpaqlar ilə ölkənin qərbində yerləşən Afrini qurudan birləşdirmək üçün arada qalan əraziləri ələ keçirmək istəyir. Afrindən şərqə, Mənbiçdən də qərbə hücum edən terror təşkilatı Tel Rıfat və Babı ələ keçirərək, xətti birləşdirməyə çalışdı. YPG/PKK beləliklə, Suriya-Türkiyə sərhədi boyunca sınırı boyunca fasiləsiz dominatlıq qurşağı yaradacaqdı. Terrorçular o zaman Rusiyanın aviasiya dəstəyini alaraq, Afrindən şərqə doğru yayıldı. Afindən çıxan terror təşkilatı müxaliflərin nəzarətindəki Tel Rıfat qəsəbəsini və ətraf kəndləri işğal etdi.

YPG/PKK terror təşkilatı Tel Rıfatın işğalı zamanı təxminən 250 min ərəb mülki əhalini yurdlarından didərgin düşməsinə səbəb oldu. Tel Rıfatlılar “Fərat qalxanı” bölgəsinə qonşu və müxaliflərin nəzarətində olan Azez qəsəbəsinə sığındı.

Terror təşkilatı işğaldan sonra Tel Rıfata Afrindən gətirdiyi ailələri yerləşdirməyə başladı.

Hal-hazırda qəsəbədə 15-20 minə yaxın kürd və ərəb yaşayır. Ancaq bunların 700-800-ə yaxınını Tel Rıfatın yerli ərəblər təşkil edir.

“Zeytun budağı” hərəkatında Tel Rıfatın bəzi kəndləri terrorçulardan azad olunmuşdu.

İsmayil İsmayilov
Emtv.az