SON DƏQİQƏ

“Beynəlxalq Cəza Məhkəməsi ABŞ üçün ölüdür.”

Emtv.az xəbər verir ki, belə bir sensasiyalı bəyanatla Ağ Evin Milli Təhlükəsizlik üzrə məsləhətçisi Con Bolton deyib. ABŞ rəsmisi Beynəlxalq Cəza Məhkəməsinin (Haaqa tribunalı) qərarlarına tabe olmayacaqlarını bildirib.

“ABŞ prezidenti adından bu mesajı vermək istəyirəm ki, nəyin bahasına olursa olsun, öz xalqımızı və müttəfiqlərimizi bu qeyri-qanuni məhkəmənin qərarlarına qarşı qoruyacağıq.

ABŞ Beynəlxalq Cəza Məhkəməsi ilə əməkdaşlıq etməyəcək.

Onlara dəstək olmayacağıq. Beynəlxalq Cəza Məhkəməsini ölümə buraxacayıq” – Bolton belə deyib.

Mərkəzi ofisi Hollandiyanın Haaqa şəhərində yerləşən Beynəlxalq Cəza Məhkəməsinin baş prokuroru Fatou Bensuda, Fələstin hökumətinin İsrailin qətliamları ilə bağlı BCM-a təslim etdiyi faylları məhkəmə sədrinə göndərdiyini açıqlayıb. Bensuda, Fələstindəki vəziyyətlə bağlı istintaq açılması üçün ön araşdırma başlanıldığını bildirib.

Məhz bundan sonra, ABŞ hökumətinin Beynəlxalq Cəza Məhkəməsinə qarşı mövqeyi dəyişib. Boltonun Beynəlxalq Cəza Məhkəməsi qərarını açıqlamasından saatlar öncə, ABŞ Dövlət Departamenti Vaşinqtonda Fələstin Azadlıq Təşkilatınin (FƏT) ofisini bağlamaq haqda qərarı qəbul etdiyini açıqlayıb.

İsmayil İsmayilov
Emtv.az