SON DƏQİQƏ

ABŞ rəhbərliyi on illərdir ölkənin şərqində baş verə biləcəyi gözlənilən ən güclü “Florensiya” qasırğasını qarşılamağa hazırlaşır.

Emtv.az xəbər verir ki, hökumət insanları bu təbii fəlakətdən qorumaq üçün sahil boyunda yaşayan bir milyondan artıq insanı müvəqqəti olaraq yaşadığı ərazilərdən köçürməyi planlaşdırır.

ABŞ prezidenti Donald Tramp da bununla bağlı sosial şəbəkə hesabından cəmiyyətə xəbərdarlıq mesajı ünvanlayıb:

““Florensiya” qasırğasının ölkənin şərq hissəsinə ciddi ziyan vura biləcək qasırğalardan biri ola biləcəyi haqqında məlumatını aldım. Bu qasırğanın Şimal və Cənubi Karolina, Virciniya ştatlarını vuracağı məlumatı verildi. Odur ki, lütfən hazırlıqlı və təhlükəsizlikdə olun”.

Qasırğa təhlükəsi ilə əlaqədar olaraq şimali Karolina və Virciniya ştatlarında fövqəladə vəziyyət elan edilib.

Qasırğanın sürəti saatda 200 km-dək çıxır. Mütəxəssislərin hesablamalarına görə, “Florensiya” qasırğası 1989-cu ildə Şimali Karolinada baş verən Huqo qasırğasından da güclü olacaq.

Qeyd edək ki,”Huqo” qasırğası zamanı 49 insan həyatını itirmişdi və nəticədə ştata 7 milyard dollarlıq ziyan dəymişdi.

İsmayil İsmayilov
Emtv.az