SON DƏQİQƏ

“Ermənistanın indiki hakimiyyətinin Qarabağ probleminin həlli istiqamətində aktiv fəaliyyət göstərəcəyinə böyük ümid bəsləmirəm. Çünki yeni hakimiyyətin Qarabağla əlaqədar verdiyi bəyanatlar bir-birinə ziddiyyət təşkil edir. Əslində, nə baş verir? İndiki hakimiyyət danışıqlar prosesində “taym-aut” siyasətini yürütməyə başlayıb”.

Emtv.az xəbər verir ki, bu fikri Ermənistanın sabiq milli təhlükəsizlik naziri David Şahnazaryan yerli mətbuata açıqlamsında deyib.

Onun sözlərinə görə, aprel döyüşlərindən sonra İrəvan danışqılarda təmas xəttində atəşkəs rejiminə ciddi nail olunması mexanizminin tətbiq olunmasına çalışır: “Lakin iyunun 14-də Brüsseldə Azərbaycan və Ermənistan XİN başçılarının görüşündə isə bununla bağlı ümumiyyətlə xırda bir detal müzakirə edilməyib. Bu isə Ermənistan üçün çox böyük itkidir”.

Şahnazaryan əlavə edib ki, əgər ATƏT MQ həmsədrlərini Brüssel bəyanatında rəsmi Bakının təkidlə tələb edib, bəyan etdiyi “substantiv danışıqlar” formulu öz əksini tapıb: “Bununla da Azərbaycan tərəfi danışıqlarda ciddi uğur əldə edib. Bu isə torpaqların geri qaytarılması deməkdir”.

Şahnazaryan Ermənistanın yeni hakimiyyətini Qarabağ münaqişəsinin tənzimlənməsi ilə bağlı konsepsiyasının olmamasında ittiham edib.

İsmayil İsmayilov
Emtv.az