SON DƏQİQƏ

“Rusiya başa düşməlidir ki, Avropa İttifaqı (Aİ) və NATO bu ölkəyə təhlükə, düşmən deyil”.

Emtv.az xəbər verir ki, bu fikri Almaniya kansleri Angela Merkel Tiflis Dövlət Universiteti tələbləri qarşısında çıxışı zamanı deyib.

Onun sözlərinə görə, Rusiya dünyada əhəmiyyətli ölkələrdən biridir və Almaniya da Gürcüstanla olduğu kimi, bu ölkə ilə də yaxşı münasibətlərdə olmaq istəyir: “Almaniya təkcə Gürcüstanla deyil, eyni zamanda Azərbaycanla, Ukrayna, həmçinin Rusiya ilə yaxşı münasibətdə olmaq istəyir. Avropa və Rusiyanın çox yaxşı əməkdaşlıq təcrübəsi var və çox şeyləri bir-birimizdən öyrənmişik”.

Buna baxmayaraq Merkel əlavə edib ki, münasibətlərdə hələ də təəssüf doğuran məqamlar var : “Bu da ondan ibarətdir ki, soyuq müharibə hələ bitməyib”.

Merkel bir daha təkrarən bəyan edib ki, Aİ və NATO Rusiyanın düşməni olmadığından bu ölkəyə təhlükə törətmir: “Lakin Rusiya keçmiş SSRİ respublikalarında vəziyyəti gərginləşdirir. Məsələn, Gürcüstanın timsalında Abxaziya. Cənubi Osetiya, Moldovada, Azərbaycanda və Ukraynada problemlər var”.

Aysu Əliyeva,
Emtv.az