SON DƏQİQƏ

“Əgər İran Ərəb yarımadası ilə Afrika arasında yerləşən, həmçinin Qırmızı dənizlə Aden körfəzini bilərşdirən Bab-əl-Mandeb körfəzini blokadaya alarsa, əminəm ki, beynəlxalq koalisiyanın ciddi müqaviməti ilə üzləşəcək. İran, eyni zamanda İsrailin bütün növ silahlı qüvvlərinin gücünün şahidi olacaq”.

Emtv.az xəbər verir ki, bunu İsrailin baş naziri Benyamin Netanyahu Hayfada İsrailin Hərbi-Dəniz Donanmasının bazasında çıxışı zamanı bəyan edib.

“Times of Israel”in yazdığına görə, ötən həftə Yəməndə İranın dəstəklədiyi husilər Səudiyyə Ərəbistanın neft tankerinə hücum edib: “Hücum nəticəsində həmin tankerlərdən biri zədələnib. Hücum zamanı heç kim xəsarət almayıb. Neftin körfəzə axması barədə isə hər hansı məlumat verilmir”.

Bu yaxınlarda Səudiyyə Ərəbistanı körfəzdə nəzarəti ələ keçrimək üçün Hodeyda limanına hücum etsə də, nəticəsi olmayıb.

Husilər Hodeydəyə hücum davam edəcəyi təqdirdə körfəzi bağlayacaqları ilə təhdid ediblər.

Sevinc Əlimova,
Emtv.az