SON DƏQİQƏ

2018-ci ilin ötən ayında Bakının avtomobil bazarında orta qiymət 27 084 manat təşkil edib.

Emtv.az xəbər verir ki, bunu yerli mətbuata ekspert deyib.

Ekspertin sözlərinə görə, ötən ayla müqayisədə qiymətlər 10,34 faiz azalıb.

Daha sonra ekspert qeyd edib ki, iyun ayında ümumilikdə 155 avtomobil satışa çıxarılıb: “Ötən ayla müqayisədə avtomobil bazarında təkliflər portfeli 36,5 faiz azalıb. Satışa çıxarılan avtomobillərin 85,9 faizi benzin mühərrikli avtomobillərdir. Bu kateqoriyalı avtomobillərin orta qiyməti 26 882 manat təşkil edib. Dizel mühərrikli avtomobillər bazarın 14,1 faizini təşkil edib, orta qiymət isə 28 314 manat olub. Avtomat sürət qutusu ilə olan avtomobillərin payı 71,44 faiz, orta qiyməti 34 039 manat, mexaniki sürət qutusu olan avtomobillərin payı 28,56 faiz, orta qiyməti 9 690 manat təşkil edib”.

Ekspert bildirib ki, iyun ayında bazardakı avtomobillərin orta yürüş göstəricisi 175,76 min kilometr təşkil edib ki, bu göstərici ötən ayla müqayisədə 2,39 faiz çox olub. Avtomobillərin orta yaşı 12 il olub.

Rəvan Yurdsuz,
Emtv.az