SON DƏQİQƏ

Bakı Şəhər Mədəniyyət Baş İdarəsinin Bilgəh qəsəbə Mədəniyyət evi və "Azərbaycanın Səsi" ictimai birliyi Sumqayıt şəhərində yerləşən “N” saylı hərbi hissədə Silahlı Qüvvələr Gününə Ordunun yaranmasının 100 illiyinə həsr edilmiş tədbir keçirib.

Emtv.az xəbər verir ki, 25 iyun 2018-ci il tarixində keçirilən tədbirdə Bakı Şəhər Mədəniyyət Baş İdarəsinin, Bilgəh qəsəbə Mədəniyyət evinin rəhbərliyi və kollektivi eyni zamanda da "Azərbaycanın Səsi" ictimai birliyinin sədri tanınmış yazar Faiq Əhmədovda iştirak etmişdir.

İlk öncə tədbirdə Azərbaycan Respublikasının Dövlət Himni səsləndirilib.

Sonra Mədəniyyət evinin rəhbəri K. Qasımov və "Azərbaycanın Səsi" ictimai birliyinin sədri Faiq Əhmədov bayram münasibətilə hərbi hissənin zabit və əsgər heyətini təbrik edib, Azərbaycan Ordusunun yaradılmasından, respublikamızda ordu quruculuğu sahəsində görülən işlərdən danışıb.

Bildirilib ki, bu gün Milli Ordumuz müstəqil Azərbaycan dövlətinin ən böyük dayağı, xalqımızın təhlükəsizliyinin və dövlətimizin ərazi bütövlüyünun qarantıdır.

Daha sonra metodist Vəsilə Quliyevanın və digər sənətçılərin ifasında səslənən mahnılar əsgər və zabitlər tərəfindən alqışlarla qarşılanıb. Müğənnilərin ifası onlarda xoş əhval-ruhiyyə yaradıb.

Onuda qeyd edək ki, tədbirin sonunda “N” saylı hərbi hissənin rəhbərliyi tərəfindən tədbir iştirakçılaRI "FƏXRİ FƏRMAN"la təltif edilmişdilər.

Emtv.az