SON DƏQİQƏ

Bu gün Çempionlar Liqasının yarımfinal mərhələsinə start veriləcək.

Emtv.az xəbər verir ki, ilk yarımfinal oyunu İngiltərədə olacaq. "Liverpul” "Roma”nı qəbul edəcək. "Roma” 34 illik fasilədən sonra ilk dəfə ÇL-in yarımfinalında çıxış edəcək. Maraqlıdı ki, 34 il öncə bu səddi keçmiş "canavarlar” finalda məhz "Liverpul”a məğlub olmuşdu.

Sabah isə "Real” "Bavariya”nın qonağı olacaq. Son iki ÇL-in qalibi olan "kral klubu” bu il də titula əsas iddiaçılardandı. "Bavariya” doğma meydandan sərfəli nəticə ilə ayrılmağı planlaşdırır.

Çempionlar Liqası

Yarımfinal, ilk oyunlar

24 aprel

22:45 Liverpul (İngiltərə) - Roma (İtaliya)

Cəzalı: Yoxdur

Zədəli: Joel Matip, Adam Lallana, Əmrə Can (hamısı "Liverpul”), Rik Karsdorp, Qreqor Defrel (hər ikisi "Roma”)

Baş hakim: Feliks Brix (Almaniya)

Yer: Liverpul. "Enfild” stadionu


25 aprel

22:45 Bavariya (Almaniya) - Real (İspaniya)

Cəzalı: Yoxdur

Zədəli: Arturo Vidal, Kinqsli Koman (hər ikisi "Bavariya”), Korenten Tolisso, Manuel Noyer, David Alaba (şübhəli, hamısı "Bavariya), Naço (şübhəli, "Real”),

Baş hakim: Byörn Kuypers (Hollandiya)

Yer: Münhen. "Alyans Arena”

Emtv.az