SON DƏQİQƏ

CIA və Pentaqon Suriyada Əsədə məxsus 22 kritik hədəfi müəyyən etməsinə qarşılıq olaraq rejim qüvvələri hədəf ola biləcək bəzi hərbi hissələri boşaldıblar.

Emtv.az xəbər verir ki, bu barədə alman mətbuatı məlumat yayıb.

“Hərbi alternativ qəti şəkildə qiymətləndirdiyimiz variantdır. Bu qorxunc hadisə fonunda olduğumuz nöqtə budur: potensial hərbi alternativlərə baxırıq və bunu prezident Trampa təqdim edirik” – ABŞ ordusunun polkovniki Patrik Rayder belə deyib.

Gecə saatlarında ABŞ, Fransa və İngiltərə arasındakı danışıqlar trafikində Suriyada atılacaq addımlar müzakirə olunub. Aparılan müzakirələr ehtimal olunan hücumu tək başına etməyəcəyi şəkildə şərh olunur. Alman xəbər agentliyi Suriyada hədəf ola biləcək hərbi hissələrinin boşaldığını bildirir.

Qutaya edilən kimyəvi hücuma qarşı olaraq CİA və Pentaqon Əsədə məxsus 22 kritik hədəfin xəritəsini tərtib edib. Vurulacaq bazalar arasında olduqca strateji bölgələr var. Bundan əlavə Hums və Tartus bölgələrin ABŞ hədəflərinə daxil olan 2 hərbi hissədə rus əsgərlərinin olduğu bildirilir.

Vurulacaq hərbi hissələr arasında Fransa, İngiltərə, ABŞ və İsrailin birlikdə hərəkət edəcəyi bildirilərkən Suriya rejiminə məxsus hərbi qərargahların bombardmanı, dəniz, hava və quru raketləri vasitəsilə həyata keçiriləcək.

Beynəlxalq münasibətlər üzrə ekspert Zəkəriyyə Molahafci ABŞ-ın əhatəli xəritə tərtib etdiyini, Suriya miqyasında 20-dən çox hərbi nöqtəni qarşıdakı bir neçə gün ərzində vurmağa hazırlaşdığını bildirir.

Deyr-əz-Zor – Əl Bukamal xəttində yerləşən İŞİD cəbhəsi boyu cərəyan edən fəallığa diqqət yetirən Molahafci ABŞ-la yanaşı Fransa, İngiltərə və İsrailin başda hərbi hava bazaları olmaqla strateji nöqtələri bombalayacağını iddia edib. Molahafci, Hums, Dəməşq, Tartus və Hama ilə birlikdə Deyr-əz-Zor və Rəqqa sərhədləri daxilində yerləşdirilmiş hərbi qərargahların da müəyyən edilmiş hədəflər arasında yer aldığını qeyd edib.

Suriya rejimi ordu və rejimi müdafiə edən könüllülərə qarşı hücum ehtimalı ilə bağlı həyəcan siqnalı verib.

Xatırladaq ki, ABŞ keçən il Xan Şeyxunda 80-dən insanın öldüyü Zarin qazı hücumundan sonra Suriyada rejimə məxsus hərbi hədəfləri raketlərlə vurmuşdu. Onlarla “Tomahavk” raketi Aralıq dənizindəki döyüş gəmilərindən buraxılmışdı.

Emtv.az