SON DƏQİQƏ

Fələstində keçən cümə elan edilən “Geri dönüş” aksiyaları davam edir.

Emtv.az xəbər verir ki, bu gün İsrail ordusunun hücumlarına qarşı “atəş cüməsi” elan edildi. On minlərlə fələstinlini də bu səbəblə bu gün Torpaq Günü üçün bir daha toplaşıb.

Fələstinlilərin silahsız şəkildə yürüş keçirməsinə baxmayaraq, keçən cümə olduğu kimi İsrail əsgərləri kütləyə atəş açıblar. Açılan atəş nəticəsində iki fələstinli ölüb.

İsrail ordusu Qəzza sərhədində keçiriləcək aksiyalara 50 min adamın qoşulacağını bildirib.

Xatırladaq ki, keçən həftə başlayan “Böyük geri dönüş yürüşü” etiraz aksiyaların İsrail ordusunun açdığı atəş nəticəsində 15 nəfər həyatını itirmiş, 750 nəfər yaralanmışdı.

Aksiyaların 6 həftə davam etməsi gözlənilir.

Fələstin Səhiyyə Nazirliyinin Qəzza üzrə nümayəndəsi Əşrəf əl-Kudranın yaydığı bəyanatda bu gün öldürən Sair Məhəmməd Rabia ilə birlikdə ölənlərin sayının 22 nəfərə çatdığı bildirilib.

Emtv.az