SON DƏQİQƏ

Ermənistanda işğalçılıq siyasəti ilə ölkəni təcrid vəziyyətinə salan hökumət iqtisadi böhranın yaratdığı çətinlikləri aradan qaldıra bilmir. Bu da ölkə vətəndaşlığından imtina edənlərin sayının günbəgün artmasına səbəb olur.

Ağır iqtisadi sosial şəraitin hökm sürdüyü Ermənistanda əhali ölkədən qaçmağın yeni yollarını axtarırır. Onlar dünyanın istənilən yerində yaşamağa hazırdırlar. Bir tək Ermənistanda qalmasınlar.

Emtv.az xəbər verir ki, bu barədə Ermənistanın “Qala” televiziyası reportaj hazırlayıb. Video-materialda bildirilir ki, ölkə əhalisi 2017-ci ilin müvafiq dövrü ilə müqayisədə 13,2 min nəfər azalıb. Ölkədə həmçinin demoqrafiq böhran hökm sürür. Bunun əsas səbəbi isə doğum sayının azalmasıdır. Otən il Ermənistanda doğum səviyyəsi 2893 nəfər aşağı düşüb. Bununla yanaşı işğalçı ölkədə ölüm və əhalinin qocalması sürətlənib. Çünki, gənc və orta nəsil Ermənistanı tərk edir. Ölkədən gedənlərin çoxu əmək miqrantlarıdır. Ermənistan vətəndaşlığından imtina edənlərin də sayı artıb. 2017-ci ildə 5250 nəfər ölkə vətəndaşlığından çıxıb. Bu da 2016-cı illə müqayisədə 35,9 faiz çoxdur. Son iki ildə təkcə 25144 nəfər Rusiya Federasiyasında vətəndaşlıq alıb. Onların böyük hissəsi Kotayk, Lori və Şirak bölgəsinin sakinləridir. Hər il Ermənistanı orta hesabla 26 min nəfər tərk edir. Əgər bu templə davam edərsə 2040-cı ilə kimi işğalçı ölkə əhalisi Sarkisyanın proqnozlaşdırdığı kimi 4 milyon deyil, 2 milyon 400 min nəfər ancaq olacaq. “Armtimes” xəbər portalı isə Ermənistanda artan yoxsulluq həddindən video material hazırlayıb. Reportajda İrəvanın yaşlı sakinlərinin dilənçi həyatından söz açılır. Bildirilir ki, gənclər ölkədən çıxıb gedir, yaşlı insanları isə taleyin ümidinə buraxırlar. Onların isə yaşamaq üçün dilənməkdən başqa çarələri yoxdur.

Emtv.az