SON DƏQİQƏ

Rusiya prezidenti Vladimir Putin bu gün keçirilən Federal məclisdə hipersəs sisteminə malik yeni “Xəncər” aviasiya-raket kompleksini sınaqdan keçirdiklərini deyib.

Emtv.az xəbər verir ki, Putinin sözlərinə görə bu sistemin dünyada analoqu yoxdur.

“Sınaq uğurla nəticələnib. Bundan əlavə keçən ilin 1 dekabrından kompleks Cənub hərbi dairəsi aerodromlarında döyüş təcrübəsi növbəsi çəkməyə başlayıb. Yüksək sürətli təyyarə daşıyıcısının unikal uçuş-texniki göstəriciləri raketi hədəfə bir neçə dəqiqə ərzində atmağa imkan verir. Bununla yanaşı səs sürətindən 10 dəfə daha sürətli uçan hipersəs raketi manevr də edə bilir” – Putin belə deyib.

Onun sözlərinə görə, bu mövcud olan və perspektivi gözlənilən bütün raket əleyhinə sistemlərin müdafiəsini yarmağa və nüvə və qeyri-nüvə başlıqlarını 2 min kilometrdən çox uzaqlığa aparmağa imkan verir:

“Biz bu sistemi “Xəncər” adlandırdıq” Putin Rusiyanın “Sarmat” raket kompleksinin aktiv sınaq fazasına başladığını qeyd edib.

Emtv.az