SON DƏQİQƏ

CHP sədri Kamal Klıcdaroğlu yeni bir skandala imza atıb.

Emtv.az xəbər verir ki, Türkiyənin “Hürriyet” qəzetinə müsahibə verən Klıcdaroğlu türk əsgərinin PKK/PYD terrorçularının nəzarətində olan Afrinin mərkəzinə girməsinə qarşı olduğunu deyib. Klıcdaroğlu Türkiyə əsgərinin 10-30 km-lik bir ərazini təmizləməklə əməliyyatı bitirməli olduğunu qeyd edib.

“10 kilometr olar, 30 kilometr olar. Sərhədlərimizi təminat altına almaq məcburiyyətindəyik. Amma Afrinin içinə girmək fərqli bir şeydir. Siz təxminən 500 min əhaliyə malik bir şəhərə niyə girirsiniz? Kimin terrorçu olduğunu necə ayıracaqsınız? Müəyyən yerə çatdıqmı, yerləşdikmi, əsgərimizi oraya qoyduqmu, bazamızı qurduqmu, bitirək artıq. Azad etdiyimiz sahəyə suriyalıları yerləşdirək, evlərini, məktəblərini, xəstəxanalarını tikək, “burada oturun” deyək. Onların təhlükəsizliyini də təmin edək” deyə Klıcdaroğlu bildirib.
Xatırladaq ki, Türkiyə ordusunun Afrində 30 klometrdən irəli getməmə tələbi ilk olaraq ABŞ xarici işlər naziri Tillersondan gəlmişdi.

Lakin, Türkiyə tərəfi nəinki Afrini, Mənbici də PKK/PYD terrorçularından təmizləyəcəyini bəyan edib. CHP isə Afrin əməliyyatına ilk öncə dəstək verdiyini bəyan etsə də, partiya rəsmilərinin sonrakı açıqlamaları əməliyyatın əleyhinə çevrilməyə başladı. CHP ilk olaraq Türkiyə əsgəri ilə birlikdə PKK/PYD-yə qarşı vuruşan ASO-nu “terrorçu” adlandırdı, daha sonra isə CHP-dən olan millət vəkili Selin Böke PYD/YPG-nin” terror təşkilatı olması barədə əllərində kifayət qədər dəlillərin olmadığını” iddia etdi. Bununla da CHP-li deputat PYD/YPG-ni terror təşkilatı adlandırmaqdan imtina etdi.

Emtv.az