SON DƏQİQƏ

Türkiyə prezidenti Rəcəb Tayyib Ərdoğan bugünkü çıxışında terrorla mübarizədə haqqında danışıb.

Emtv.az xəbər verir ki, Ərdoğan çıxışında türk millətini seçki qutusunda məğlub edə bilməyənlərin indi də terroru işə saldığını bildirib:

“Terror cəbhəsini təhkim ediblər. Hal-hazırda əsgərimiz, polisimiz, jandarmımız bütün bölgələrdə varmı? Var. Nə qədər təhdid varsa, yuvalarına qədər gedərik və girərik. Etdikləri şeylər keçdi artıq. Həftədə 50-100 nəfər gedirlər. Artıq bunlar gedicidir. Ya bu ölkəni tamamilə tərk edib gedəcəklər, ya da bu işi bitirəcəyik”.

Ərdoğan terrorla əməkdaşlıqda Pensilvaniyanı, Pensilvaniyanın arxasında isə Amerikanın olduğunu deyib:

“Bunların arxasında Pesnilvaniya var, onun arxasında Amerika var. Bundan sonra sən bizdən hər hansı terrorçunu istədiyin zaman bu fəqir bu vəzifədə olduğun müddətdə o terrorçunu ala bilməzsən. İlan deşiyinə bir dəfə soxular. Bir tərəfdən strateji əməkdaşıq deyəcəksən, digər tərəfdən Suriyanın şimalında 4 mindən çox yük maşını silahla təyinatlar edəcəksən. Bunlar PKK-nın qolları, terror təşkilatlarıdır. Yeni istiqlal müharibəmizi müdafiədən hücuma çevirdik. Təhlükəsizlik qüvvələrimiz terrorçuları qazdıqları çalalara basdırdı. Terror aktlarının böyük hissəsi iflasa uğradı.

Bəzilərinin terror koridoru formalaşdırmaq səyləri səbrimizi azaldır. Suriyada və İraqda baş verən hadisələrin, hazırlanan sistemin məqsədi hər keçən gün daha da dəqiqləşir. Yalana daha dözmək məcburiyyətində deyilik. “Fərat Qalxanı” əməliyyatı ilə atdığımız addımları genişlədəcək gücə malikik.

Hər kimsə ki, Suriyadan, İraqdan, Balkanlardan, Orta Asiyadan bizə nə deyirsə sadəcə tariximizdən deyil, istiqlal və istiqbal anlayışlarından da xəbərsizdir. Hal-hazırda terror koridoru formalaşdırmaq istəyənlər bilsin, oralar Misak-ı Milli sərhədlərinə daxildir. Orada dövlət qurmaq istəyənlər ovcunu yalayar. Kimsə orada yeni bir dövlət qurmaq cəhdi etməsin”.

Emtv.az