SON DƏQİQƏ

Fotoda Saakaşvilinin üstündə paltarın olmadığı, bir əlində qandalın olduğu görünür. Onu Ali Radaya yürüşdə 150 nəfər tərəfdarı müşayiət edir. Təşkilatlanmış şəkildə meydana doğru hərəkət edirlər, heç kəs onları saxlamağa cəhd etmir.

Emtv.az xəbər verir ki, bu barədə Ukrayna KİV-i məlumat yayıb. Hal-hazır “Yeni qüvvələr hərəkatı” lideri öz tərəfdarları ilə “Mixomaydan” çadırlarının qaldığı Ali Radanın binasına doğru yürüş edir. Ehtimal olunur ki, Saakaşvili kütlə qarşısında çıxış edərək, əhalini kütləvi aksiyalara çağıracaq.
***
Kiyevdə Mixail Saakaşvilinin tərəfdarları onun saxlanıldığı mikroavtobusun qapısını sındıraraq onu azad ediblər.

Ukrayna KİV-ləri xəbər verir ki, Təhlükəsizlik Xidmətinin xüsusi təyinatlıları Saakaşvilini həbs etdikdən sonra onun tərəfdarları siyasətçinin aparıldığı avtobusu mühasirəyə alıblar. Bir neçə saatlıq mühasirədən sonra Saakaşvilinin tərəfdarları avtobusun pəncərələrini sındırıblar, onlara qarşı gözyaşardıcı qaz tətbiq edilib. Buna baxmayaraq, izdiham avtobusun qapısını sındıraraq Saakaşvilini çıxarıblar. Hazırda Saakaşvili öz tərəfdarları ilə birlikdə Kiyevin Kostelni küçəsi ilə irəliləyir.

***
Gürcüstanın sabiq prezidenti Mixail Saakaşvili “cinayətkar təşkilatların iştirakçılarına yardım və onların cinayət fəaliyyətinin gizlədilməsi”ndə şübhəli bilinir.

Emtv.az xəbər verir ki, bu bəyanatla Ukrayna Təhlükəsizlik Xidməti çıxış edib. Siyasətçinin həbsi təsdiqlənib, indi onun sorğusu aparılır. Eyni zamanda Saakaşvilinin vəkili “Ukrayskaya pravda” qəzetinə deyib ki, o, dövlət çevrilişi cinayətində iştirakda ittiham olunur.

Qeyd edək ki, bu səhər Baş Prokurorluq və UTX əməkdaşları onun mənzilinə gələrək axtarış aparmışdılar. O, 8 mərtəbəli evin damına çıxaraq özü atmaqla hədələmişdi.

Xatırladaq ki, Gürcüstanın sabiq prezidenti, “Yeni qüvvələr hərəkatı” partiyasının sədri Mixail Saakaşvilinin evində polis tərəfindən axtarış aparılıb.

Axtarışa etiraz olaraq Saakaşvili yaşadığı 8 mərtəbəli binanın damına çıxaraq aşağı tullanacağını bildirmişdi.

Emtv.az