SON DƏQİQƏ

“Dağlıq Qarabağ münaqişəsinin həlli istiqamətində fəaliyyətlər gücləndirilməlidir”.

Emtv.az Ermənistan KİV-lərinə istinadən xəbər verir ki, bunu ATƏT Parlament Assambleyasının sədri Corc Tsereteli sözügedən qurumun komissiyasında regional münaqişələrlə bağlı keçirilmiş tədbirdə deyib.

“Hər gün Ukrayna, Gürcüstan və Dağlıq Qarabağda davam edən münaqişələrdə insan itkilərinin olması ilə bağlı xəbərlər eşidirik. Biz bu problemlərin həllinə diqqətimizi artırmalıyıq. ATƏT-in əsas hədəflərindən biri Helsinki sənədləri”nin prinsiplərini əsas tutaraq, həllə nail olmalıyıq”, - deyə o bildirib.

Corc Tseretelinin açıqlamasında diqqət çəkən məqam – Gürcüstan və Ukraynadakı münaqişələrlə bağlı bu ölkələrin adlarını çəkdiyi halda, Dağlıq Qarabağın adını ayrıca subyek kimi çəkərək, Azərbaycanın adını hallandırmaması ilə bağlıdır. Halbuki, BMT Təhlükəsizlik Şurasının 4 qətnaməsi bu bölgənin Ermənistan tərəfindən işğal edildiyini müdafiə edir və işğalçının ən qısa müddətdə bu əraziləri azad etməsini tələb edir. Məlum sənədlərdə bu, Ermənistan – Azərbaycan (Dağlıq Qarabağ) münaqişəsi kimi qeyd edilib. ATƏT-in nəzdnində yaradılmış Minsk qrupu (Fransa, ABŞ və Rusiya) 30 ilə yaxındır bu münaqişənin həlli ilə məşğuldur.

Mənsur Rəğbətoğlu
Emtv.az