SON DƏQİQƏ

Türkiyə prezidenti Rəcəb Tayyip Ərdoğan Qarabağ münaqişəsi ilə bağlı müzakirələrə səbəb olan açıqlama verib.

Emtv.az Türkiyə mətbuatına istinadən xəbər verir ki, Ərdoğan bildirib ki, Rusiya prezidenti Vladimir Putin ilə Qarabağ münaqişəsini də müzakirə edib.

“Cənab Putinlə Qarabağ münaqişəsini müzakirə etdik. Rusiyanın Ermənistana təsiri var. Yeddi rayondan beşi ilə bağlı daha əvvəl qəbul olunan qətnamələr var. Bu qətnamələrin icra olunmasının zəruriliyini qeyd etdik. Cənab Putin bunun mümkün olduğunu hesab edir, lakin o, çox da ümidli deyil. Məncə, bu, iki tərəf arasındakı münasibətlərlə əlaqədardır”, – Ərdoğan qeyd edib.

Qeyd edək ki, Türkiyə və Rusiya prezidentləri arasında görüş noyabrın 13-də Soçidə baş tutub.

Noyabrın 22-də isə Rusiya və Türkiyə prezidentləri yenidən Soçidə görüşəcəklər.

Emtv.az