SON DƏQİQƏ

İraqın Müdafiə Nazirliyi bu ölkədə İŞİD terror qruplaşması ilə əlaqədə şübhəli bilinən 200 azərbaycanlı və 512 rusiyalı qadının saxlanılması barədə xəbərləri təkzib edib.

Emtv.az xəbər verir ki, bu barədə RİA Novosti İraqın Müdafiə Nazirliyindəki mənbəyə istinadən məlumat yayıb.

“Saxlanılanlar var, lakin sayları çox deyil və onlar müxtəlif millətlərin nümayəndələridir”,- deyə mənbə KİV-ə bildirib.
**
16:54
İraqın təhlükəsizlik qüvvələri İŞİD-lə əlaqədə şübhəli bilinən 512 rusiyalı qadını saxlayıb. Virtualaz.org “Basnews” nəşrinə istinadən xəbər verir ki, bundan əlavə, eyni ittihamla saxlanılanlar arasında 200-ə yaxın azərbaycanlı qadın var.

Mənbəyə görə, Mosulun və Tel-Afarın terrorçulardan azad edilməsindən sonra İraq təhlükəsizlik qüvvələri İŞİD-lə əlaqədə olduqları güman edilən 1500-ə yaxın qadını həbs edib.

“Reuters” bu gün məlumat verib ki, Bəşər Əsədin ordusu müttəfiqləri ilə birlikdə İŞİD-in Suriyadakı son istehkamını – Əbu-Kamal şəhərini ələ keçirib. Bu şəhər İraqla sərhəddə yerləşir. Əbu-Kamalın ətrafındakı kəndlər hələ də terrorçuların əlindədir. Bundan başqa, İŞİD İraqla sərhədə yazın bəzi rayonlara və Liviyadakı bir sıra ərazilərə nəzarəti əlində saxlayır.

Emtv.az