SON DƏQİQƏ

Türkmənistan 23-25 oktyabr tarixlərində İran üzərindən Azərbaycana və TANAP (Trans Anadolu Qaz Kəməri) vasitəsilə Türkiyəyə qaz satılması üçün İran hökuməti ilə apardığı danışıqlardan rədd cavabı alıb.

Emtv.az Türkiyə mətbuatına istinadən xəbər verir ki, bu haqda İran Milli Neft Şirkətinin direktoru Həmid Rza Arağı məlumat verib. O, Türkmənistanın bu təklifini qəbul etməkdiklərini bildirib.

Dünyanın dördüncü ən böyük qaz ehtiyatına malik Türkmənistan, bu potensialını dünya bazarlarına açma nöqtəsində müxtəlif sıxıntılar yaşayır. İran Türkmənistandan Mazandaran bölgəsi kimi şimalda qalan və cənubda qaz yataqlarından uzaq, nəqliyyat problemləri olan regionlar üçün qazı tədarük edir. Əfqanıstan isə daxili müharibələr səbəbindən Türkmənistanın hədəf seçdiyi TAPI (Türkmənistan- Əfqanıstan-Pakistan-Hindistan) qaz kəməri layihəsinə uyğun bir sahə təmin edə bilmir.

Türkmənbaşı limanından Xəzər dənizi vasitəsilə Bakıya Transxəzər qaz kəməri çəkilişi isə illərdir danışılsa da, Rusiya və İranın təzyiqi ilə Türkmənistan bu layihəni də gerçəkləşdirə bilmir. Türkmənistanın Türkiyə və Avropa bazarına çıxış üçün ümidi yenidən yarımçıq qalmış oldu.

Bununla yanaşı Türkmənistan qazı bilvasitə Türkiyəyə çatır. Azərbaycanın dövlət enerji şirkəti olan SOCAR yay aylarında İran üzərindən Türkmənistan qazını alaraq saxlama müəssisələrində saxlayır. Qış aylarında isə bunu Türkiyə və Avropa bazarlarına çıxarır.
Türkmənistan qazının onun ərazisindən keçməklə dünya bazarına çıxarılmasını Ermənistan da təklif edir. Ancaq Türkmənistan rəsmiləri Ermənistanın təkliflərinin etibarlı olmadığını bildirərək, bu təklifə soyuq yanaşır.

Emtv.az