SON DƏQİQƏ

Naxçıvan şəhərindəki Gənclər Mərkəzində Naxçıvan Muxtar Respublikasında fəaliyyət göstərən orta ixtisas təhsili müəssisələrinin tələbələri arasında keçirilən “Nuh yurdu” intellektual oyununa yekun vurulub.

Emtv.az xəbər verir ki, oyun Naxçıvan Muxtar Respublikası Ali Məclisinin yanında Gənclər Fondunun, muxtar respublikanın Gənclər və İdman Nazirliyinin, Yeni Azərbaycan Partiyası Naxçıvan Muxtar Respublika Təşkilatı Heydər Əliyev adına Gənclər Birliyinin və “Gənclərin İntellektual İnkişaf Mərkəzi” İctimai Birliyinin birgə təşkilatçılığı ilə keçirilib.

Əvvəlcə Gənclər və İdman Nazirliyinin gənclərlə iş şöbəsinin müdiri Tahir Məmmədli çıxış edərək intellektual oyunun keçirilməsində məqsədin gənclərin intellektual səviyyəsini, dünyagörüşünü, zehni inkişafını stimullaşdırmaq, onların arasında bilik və elmin nüfuzunu artırmaq, eləcədə asudə vaxtlarının səmərəli təşkili istiqamətində yeni üsullar tətbiq etmək olduğunu bildirib və komandalara uğurlar arzulayıb.

Səkkiz komandanın iştirak etdiyi oyun yarımfinal və final mərhələsindən ibarət olub. “Ulduz”, “Loğman”, “Simai-Şəms” və “Qafqaz” komandaları finala vəsiqə qazanıblar.

Oyunun yekun nəticəsinə əsasən Naxçıvan Tibb Kollecinin “Loğman” komandası birinci, Naxçıvan Dövlət Texniki Kollecinin “Ulduz” komandası ikinci, Naxçıvan Musiqi Kollecinin “Simai-Şəms” komandası isə üçüncü yerə layiq görülüblər.

Qalib komandalara təşkilatçıların kubok, diplom, fəxri fərmanları və oxunması zəruri olan kitablar külliyyatı təqdim olunub.

Emtv.az