SON DƏQİQƏ

“Azərbaycan Televiziya və Radio Verilişləri” Qapalı Səhmdar Cəmiyyətinin (AzTV) sədri Arif Alışanovun avtomobili cərimə meydançasına aparılıb.

Emtv.az “Report”a istinadən xəbər verir ki, buna səbəb avtomobilin ödənilməmiş cərimələrinin olmasıdır.

Belə ki, A.Alışanova məxsus 99-AA-400 dövlət qeydiyyat nişanlı Toyota Land Cruiser markalı avtomobil barəsində elektron qaydada tərtib olunmuş protokollar üzrə 7 200 manatlıq ödənilməyən cərimə olduğu üçün yol polisi əməkdaşları tərəfindən saxlanılaraq cərimə meydançasına aparılıb.

***
Respublika Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev “Qafqazinfo”ya açıqlamasında məsələyə belə münasibət bildirib:

“Biz rəsmi şəxslər və rəsmi qurumların avtomobilləri ilə bağlı məlumat vermirik”.

Əldə etdiyimiz məlumata görə sözügedən avtomobilin yığılmış cərimələri AzTV rəhbərliyi tərəfindən dərhal ödənilib.

***
“Azərbaycan Televiziya və Radio Verilişləri” Qapalı Səhmdar Cəmiyyətinin mətbuat xidmətinin rəhbəri Xatirə Qasımova AzTV-nin rəhbəri sədri Arif Alışanovun avtomobilinin cərimə meydançasına aparılması xəbərinə münasibət bildirib.

X.Qasımova “Report”un sorğusuna cavab olaraq onlarda belə məlumatın olmadığını deyib: “Bu xəbər doğru deyil”.

Emtv.az