Çinlə Hindistan razılıq əldə etdilər - Asiyada nəhənglərin savaşı...
29-08-2017, 13:32 | Oxunub: 3 684 |
Təxminən 2 ay əvvəl Çinlə Hindistan arasında Doklam əyaləti ilə bağlı yaranmış gərginlik həllini tapıb.Hindistanın Xarici İşlər Nazirliyinin bəyanatında qeyd olunur ki, tərəflər münaqişəni dayandırmaq barəsində razılığa gəlib. Qərara görə, hər iki tərəfin sərhəd bölgəsinə cəlb etdiyi qoşunlar bölgədən geri çəkiləcək.Qeyd edək ki, hər iki ölkənin iddia etdiyi bölgədə Çinin yol inşa etmək istəyi Hindistanın ciddi etirazına səbəb olub. Tərəflər arasında dəfələrlə silahlı insidentlər baş verib.“Dehli-Pekin əlaqələrindəki gərginliyə böyük güclərin geosiyasi maraqları təkan verir”.Bu sözləri açıqlamasında millət vəkili, siyasi elmlər doktoru Elman Nəsirov deyib.“İki dövlər arasındakı gərginlik son zamanlar artma tendensiyasına köklənib. Hindistan BMT TŞ-nın (Təhlükəsizlik Şurası) daimi üzvü olmaq iddiasındadır. Çin Xalq Respublikası isə Təhlükəsizlik Şurasının daimi üzvüdür. İki dövlət arasındakı münasibətlərin gərginləşməsində daha böyük geosiyasi oyunçuların davranışı əsas rol oynayır. Məsələn, ABŞ G20 əvəzinə, beynəlxalq problemlərin həllində 2 fövqəldövlətin iştirakını nəzərdə tutan G2 qrupu yaradılmasını təklif edir. Yəni, böyük iyirmilikdən imtina edib böyük ikilik yaratmaq nəzərdə tutulur. Lakin Çin buna razılıq vermədi. Belə olan təqdirdə ABŞ Çin kimi güclü rəqibi həzm edə bilmir. ABŞ-Hindistan yaxınlaşması və ABŞ-ın Hindistanla əlaqələri genişləndirməsi Çinin imkanlarının məhdudlaşdırılması mənafeyinə xidmət edir. ABŞ 1998-ci ildə Pakistanla yanaşı Hindistanın da nüvə silahına malik olması ilə bağlı məlumata elə də ciddi yanaşmadı və Hindistanın ünvanına sadəcə olaraq sərt bəyanatlar səsləndirdi. Bu isə Hindistana istinadla Çinin zəiflədilməsinə hesablanmış bir addım idi”.Emtv.az
OXŞAR XƏBƏRLƏR