SON DƏQİQƏ
17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
15:05 - QHT Qubada tədbir keçirdi
Naxçıvan Biznes Mərkəzi sahibkarlığın inkişafına öz töhfəsini verir
Emtv.az xəbər verir ki, azərtac-da Naxçıvan Biznes Mərkəzi ilə bağlı məqalə dərc olunub. Emtv.az həmin məqaləni oxucularına təqdim edir.
Naxçıvanda yeni biznes əlaqələrinin qurulması və işgüzar görüşlərin keçirilməsi, sahibkarların maarifləndirilməsi, muxtar respublikada istehsal olunan məhsulların nümayiş etdirilməsi üçün ideal bir məkan – Naxçıvan Biznes Mərkəzi artıq uzun müddətdir ki, uğurla fəaliyyət göstərir.
Naxçıvan şəhərinin bütün ünvanlarına rahat çıxışı olan bu məkanda sahibkarların aktiv iş fəaliyyəti üçün hərtərəfli şərait yaradılıb. Mərkəz 2004-cü ildə əl işləri və sənət əsərlərinin sərgi və satışı, sahibkarların tədris-informasiya mərkəzi kimi fəaliyyətə başlayıb. 2011-ci ildən Naxçıvan Biznes Mərkəzi kimi fəaliyyətini davam etdirir. 2013-cü ildə istifadəyə verilən mərkəzin əsas fəaliyyət istiqamətləri biznesin inkişafı, sahibkarlar arasında işgüzar əlaqələrin gücləndirilməsi, müxtəlif tədbirlərin, beynəlxalq konfransların, forum və seminarların keçirilməsi, yerli istehsal məhsullarının, əl işi və sənət əsərlərinin sərgi-satışının təşkilidir.
Naxçıvan Biznes Mərkəzinin əsas missiyası sahibkarlara xidmət, biznesin inkişafı üzrə onlara məsləhətlərin verilməsi, biznesə yeni başlayanlar üçün treninqlərin təşkili, biznes planların hazırlanmasında metodiki dəstək göstərməkdir. Hazırda mərkəzdə müasir avadanlıqlarla təchiz edilən 100 nəfərlik iclas və 500 nəfərlik konfrans zalları və eyni zamanda 4 dildə sinxron tərcümənin aparılması üçün otaq mövcuddur. Mərkəzdə ingilis və rus dillərini bilən ixtisaslı kadrlar çalışırlar. Bu da bura gələnlərə sərgilərlə, o cümlədən mərkəzin fəaliyyəti ilə yaxından tanış olmaq imkanı yaradır.
Ötən günlərdə mərkəzin fəaliyyəti və burada yaradılan pavilyonlarla tanış olmaq üçün adıçəkilən ünvanda olduq. İlk olaraq qeyd edək ki, burada qurulan pavilyonlarda muxtar respublikanın son illərdə keçdiyi inkişaf yolu, sosial-iqtisadi göstəriciləri, infrastruktur quruculuğu istiqamətində görülən işlər, özəl sektorun inkişafı naminə həyata keçirilən tədbirlər öz əksini tapıb.
Öyrəndik ki, mərkəzin sərgi salonunda məhsullarının sərgilənməsi üzrə 4 yeni istehsalçı şirkətlə müqavilə bağlanıb. Stendlərin quraşdırılması daha çox müəssisənin məhsullarının sərgilənməsinə şərait yaradıb və hazırda yeni müəssisələrin cəlb olunması istiqamətində iş aparılmaqdadır. Bağlanılmış müqavilə şərtlərinə müvafiq olaraq 84 müəssisəyə iqtisadi yönümlü və hər birinin fəaliyyət sahəsinə uyğun 200-ə yaxın informasiya ötürülməsi təmin edilib. Bu sahədə iş davamlı olaraq həyata keçirilməkdədir.
Sahibkarlığın genişləndirilməsi, hüquqi və maarifləndirici istiqamətdə xidmət göstərilməsi sırasında onların müraciətləri əsasında sahibkar subyektləri üçün kiçikhəcmli kənd təsərrüfatı yönümlü, irihəcmli müxtəlif sahələrə aid, ümumilikdə, 20 biznes-planın işlənilməsinə mərkəz tərəfindən dəstək verilib.
Xalq yaradıcılığının inkişaf etdirilməsi, el sənətkarlarının fəaliyyətinin daha da stimullaşdırılması və əl işlərinin sərgi-satış üçün qəbul edilməsi istiqamətində davamlı iş aparılıb. Cari ilin ilk 6 ayında 18 fiziki şəxslə iş aparılıb, sərgi-satış məqsədilə ümumi dəyəri 1583 manat olan 205 adda iş satışa çıxarılıb. Bu müddətdə 103 ədəd 1926,50 manat dəyərində əl işlərinin satışı həyata keçirilib. Xalq yaradıcılığı emalatxanasında 19 ədəd xalça toxunub.
Qeyd olunan dövrdə mərkəzdə, ümumilikdə, 30-a yaxın tədbir keçirilib. Onu da qeyd edək ki, 2017-ci ilin 18-26 mart tarixlərində “Naxçıvanqala” Tarix-Memarlıq Muzey Kompleksində keçirilən Novruz bayramı şənliklərində mərkəz tərəfindən xalçaçılıq, papaqçılıq, ağac üzərində oyma, dekorativ-tətbiqi sənət, rəssamlıq, xəttatlıq, mis üzərində döymə və dulusçuluq sahələri üzrə əl işləri və sənət əsərlərinin sərgi-satışı həyata keçirilib. Yerli sənətkarların burada nümayiş olunan əl işləri tədbir iştirakçılarının marağına səbəb olub.
Bu gün muxtar respublikada istehsal olunan məhsulların, eləcə də el sənətkarlarının hazırladıqları əl işləri və sənət əsərlərinin daha geniş məkanda təbliğ edilməsi və onların satışının təşkili məqsədilə şəhərin mərkəzində yerləşən əl işlərinin satışı mərkəzlərinin, Əshabi-Kəhf ziyarətgahında və Duzdağ Fizioterapiya Mərkəzindəki satış məntəqələrinin fəaliyyəti öz töhfəsini verir.
Naxçıvan Biznes Mərkəzində hazırda muxtar respublikanın 96 istehsal müəssisəsinin 900-dən çox müxtəlif məhsulları nümayiş olunur. Muxtar respublikadakı iri özəl sektor təmsilçiləri olan “Gəmiqaya Holdinq”, “Dizayn Holdinq”, “Araz Holdinq”, “Cahan Holdinq”, “Zümrüd” Kiçik Müəssisəsi, “Ləzzət Qida Sənaye” Məhdud Məsuliyyətli Cəmiyyəti, Babək “Sirab” Açıq Səhmdar Cəmiyyəti ilə yanaşı, çox sayda digər orta və kiçik biznes qurumlarının məhsulları da burada öz yerini tutub.
Ümumiyyətlə, bu gün tam əminliklə demək olar ki, Naxçıvan Biznes Mərkəzi son illərdə muxtar respublika sənayesinin, xalq sənətkarlığının, bir növ, güzgüsünə çevrilib. Buraya gələn hər bir xarici qonaq heç bir istehsal müəssisəsinə getmədən muxtar respublikanın özəl sektoru haqda dolğun məlumat ala bilir. Mərkəzdə nümayiş etdirilən, yüksək keyfiyyəti ilə seçilən, nəfis tərtibatla qablaşdırılan, insan əməyinin, göz nurunun, alın tərinin nəticəsi olan hər bir məhsul son illərdə doğma yurdumuzda sahibkarlığa göstərilən dövlət qayğısının bariz nümunəsidir.
Emtv.az
OXŞAR XƏBƏRLƏR
Təhsil işçiləri Naxçıvan Biznes Mərkəzində olublar
Ahmet Erkan Çetinkayış: Naxçıvanın çox yüksək istehsal və ixrac potensialı var
Naxçıvan Biznes Mərkəzində Sahibkarlar Günü münasibətilə tədbir keçirilib
Naxçıvanda İranın Qərbi Azərbaycan Vilayətində istehsal olunan ərzaq məhsulları və əl işlərinin sərgi-satışı keçirilir
Türkiyə nümayəndə heyəti Naxçıvanda sahibkarlarla görüşüblər
30-09-2022, 20:12 Vətəndaşların Sosial İmkanları Müzakirəyə Çıxarıldı - Fotolar
24-09-2022, 19:55 “Azərbaycan Sosial Dövlətə Doğru” Layihəsi Vətəndaşlarla Dövlət Qurumları Arasında Yeni İmkanların Yaradılmasına Xidmət Edir-FOTOLAR
7-09-2022, 13:26 QHT-də tədbir: sosial məsələlər müzakirə edildi-FOTOLAR
5-09-2022, 13:26 Mingəçevirdə İctimai Müzakirə: Sosial Dövlətə Doğru
2-09-2022, 20:28 “Azərbaycan sosial dövlətə doğru”
5-03-2020, 21:26 “Azərbaycanın Səsi” İctimai Birliyinin sədri Faiq Əhmədov Bu Gün Şəhid Ailələri İlə Görüş Keçirmişdir-FOTOLAR
6-02-2020, 18:30 MƏN DEPUTATLIĞA ÖZ NAMİZƏDLİYİMİ GERİ GÖTÜRDÜM-Faiq ƏHMƏDOV