SON DƏQİQƏ

Zaqatalada baş verən yol qəzasında biri ağır olmaqla üç nəfər xəsarət alıb.

Emtv.az-ın apa-ya istinadən məlumatına görə, avqustun 4-ü axşam saat 23 radələrində Zaqatala şəhəri, Azərbaycan prospektində “VAZ 2109” markalı 62 BX 341 dövlət nömrə nişanlı avtomobil ilə “VAZ 2106” markalı 08 BA 258 dövlət nömrə nişanlı avtomobil toqquşub.

Qəzadan sonra üç nəfər xəsarət alan rayon sakini Zaqatala Mərkəzi Rayon Xəstəxanasına (MRX) aparılıblar.

Zaqatala MRX-dan apa-ya bildirilib ki, yaralılardan birinin vəziyyəti ağır qiymətləndirilir, digər iki yaralının vəziyyətləri isə qənaətbəxşdir.

Hazırda yaralıların müayinəsi aparılır və şəxsiyyətləri dəqiqləşdirilir. Faktla bağlı Zaqatala rayon Polis Şöbəsində araşdırma aparılır.

Emtv.az