17:55 - Vətəndaşların Sosial İmkanlarının Müzakirəsi Regionlarda Davam Edir - Fotolar
20:20 - Regionlarda Növbəti İctimai-Sosial Müzakirələr Başladı –Fotolar
19:44 - Həssas əhali qruplarına ünvanlanmış sosial-humanitar siyasət təbliğ olunacaq-Fotolar
20:51 - Heydər Əliyevin anadan olmasının 100 illiyi çərçivəsində 2 mindən çox ağac əkilib-FOTOLAR
19:35 - Naxçıvanda “Heydər Əliyev və vətəndaş cəmiyyəti quruculuğu” mövzusunda konfrans keçirilib-FOTOLAR
20:17 - Təşkilat sədri Faiq Əhmədov cənab Prezident İlham Əliyevə Açıq Məktub göndərib!
00:21 - “Azərbaycan Sosial Dövlətə Doğru” Layihəsinin Növbəti Tədbiri - Fotolar
19:29 - Xaçmazda tədbir
15:05 - QHT Qubada tədbir keçirdi
“Dostluq” parkı ərazisini satanlardan biri azadlığa buraxıldı
Nizami Rayon Məhkəməsində “Dostluq” parkının ərazisindəki torpaq sahələrinin qanunsuz olaraq alqı-satqısını həyata keçirməkdə təqsirləndirilən 7 saylı Mənzil Kommunal İstismar Sahəsinin (MKİS) sabiq rəisi Famil Quliyevin daha yüngül cəza növü ilə əvəz edilməsi barəsində ərizəsinə baxılıb.
Emtv.az-ın report-a istinadən məlumatına görə, məhkəmə onun barəsində qərarı elan edib.
Qərara əsasən, F.Quliyev Məntəqə Tipli Cəza Çəkmə Müəssəsinə keçirilib. Müalicə Müəssisəsində saxlanılan F.Quliyev məhkəmə qərarı qəbul ediləndən sonra azadlığa buraxılıb.
Qeyd edək ki, “Dostluq” parkında qanunsuz tikilən villaların sökülməsi ilə bağlı Prezident İlham Əliyev ötən il keçirdiyi müşavirədə Bakı Şəhər İcra Hakimiyyətinin başçısı Hacıbala Abutalıbova tapşırıq verib. Tapşırığa əsasən, həmin parkdakı villaların sökülməsinə başlanılıb. Bundan sonra cinayət işi başlanılıb və Bakı Şəhər Baş Polis İdarəsi (BŞBPİ) əməkdaşları 1972-ci il təvəllüdlü Hüseynov Tərlan Kərim oğlunu istintaqa cəlb ediblər. T.Hüseynov barəsində BŞBPİ-nin İstintaq İdarəsində Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə) maddəsi ilə cinayət işi başlanılıb. Xətai rayon Məhkəməsinin qərarı ilə T.Hüseynov barəsində 3 ay müddətinə həbs qətimkan tədbiri seçilib.
Daha sonra 7 saylı Mənzil Kommunal İstismar Sahəsinin (MKİS) rəisi Quliyev Famil Əhməd oğlu və Səbail rayonu Bibiheybət bələdiyyəsinin baş memarı Etibar Məmmədov tutulub. Bir müddətdən sonra T.Hüseynovun barəsində seçilmiş həbs qətimkan tədbiri ev dustaqlığı ilə əvəzlənib. Məhkəmə prosesində T.Hüseynovun barəsində olan ev dustaqlığı ləğv edilərək, həbs qətimkan tədbirinə dəyişdirilib. O, məhkəmə zalında həbs edilib.
Bakı Ağır Cinayətlər Məhkəməsinin hökmü ilə E.Məmmədov 7 il 6 ay, F.Quliyev 7 il, T.Hüseynov 7 il 6 ay azadlıqdan məhrum edilib. Hökmdən narazı qalan məhkumlar apellyasiya şikayəti veriblər.
Bakı Apellyasiya Məhkəməsinin qərarı ilə E.Məmmədovun cəzası 7 il 6 aydan 7 ilə, F.Quliyevin cəzası 7 ildən 6 ilə, T.Hüseynovun cəzası isə 7 il 6 aydan 5 il 6 aya qədər azaldılıb.
Emtv.az